گه‌ڕان

Shadow Shadow
سیاسه‌تی

زانیاری

موقتەدا سەدر و عەمار حەکیم لەسەر پرسێک ڕێککەوتن

2021.11.05 - 13:16
App store icon Play store icon Play store icon
موقتەدا سەدر و عەمار حەکیم لەسەر پرسێک ڕێککەوتن

ناس کورد-

موقتەدا سەدر، ڕێبەری ڕەوتی سەرد سەردانی عەمار حەکیم، سەرۆکى ڕەوتی حیکمەی کرد و هەردولا ڕێککەوتن لەسەر ئەوەی "پەنا ببرێتە بەر ڕێکاری یاسایی و ئاشتی بۆ تانەدان لە ئەنجامەکانی هەڵبژاردن."

کەناڵی ناس کورد لە تێلیگرام جۆین بکە   

 

بەپێی ڕاگەیەنراوی کۆبوونەوەکە کە ئەمڕۆ هەینی، 5ی تشرینی دووەمی 2021، بەڕێوەچوو، "هەردوو جەخت کردەوە کە کۆمسیۆن بەرپرسیارێتی ئەکەوێتە سەرشان کە بە شێوەیەکی جدی بە تانەکاندا بڕواتەوە بە جۆرێک متمانەی خەڵک و هێزە سیاسییەکان بە هەڵبژاردن زیاد بکات."

 

ڕەوتی حەکیم بەشێکە لە هاوپەیمانێتی هێزەکانی دەوڵەت لەگەڵ حەیدەر عەبادی و هەردووکیان پێکەوە چوار کورسییان هەیە، بەمدواییە بەشدارییان لە کۆبوونەوەکانی چوارچێوەی هەماهەنگی شیعەکان کردووە لە ماڵی نوری مالیکی و ناڕازین لە ئەنجامەکانی هەڵبژاردن.

 

لەلایەکی ترەوە، چەند سەرچاوەیەكی ئاگادار ئاشكرایان كرد، ئەگەری زۆر ئەوەیە یەكەم دانیشتنی خولی نوێی پەرلەمانی عێراق بكەوێتە دەوروبەری 10 مانگی داهاتوو (كانونی یەكەم) پاش ئەوەی دادگای فیدراڵی ئەنجامەكان پەسەند دەكات.

 

پاش ئەوەی دەركەوت ژماردنەوەی دەستی هاوتایە لەگەڵ ژماردنەوەی ئەلكترۆنی لە وێستگە تانە لێدراوەكان، دەرگا واڵایە بۆ پەسەندكردنی ئەنجامەكان لە دادگای فیدراڵی و ئەویش هەر مانگێكیتر كات دەبات.

 

سەرچاوەكان ئەوەشیان ئاشكرا كردووە یەكەم دانیشتنی خولی پێنجەم بەئەگەری زۆر دەكەوێتە 10ی مانگی داهاتوو یان یەك دوو ڕۆژ دواتر، یەكەم دانیشتنیش بە سەرۆكایەتی بەتەمەنترین پەرلەمانتار دەبێت تا ئەوكاتەی رێككەوتن لەسەر دیاریكردنی سەرۆك پەرلەمانێكی نوێ دەكرێت.

 

لایەنە ناڕازییەكان لەسەر ئەنجامەكانی هەڵبژاردن لە هەندێ پارێزگای باشوری عێراق بڵاوەیان بە گردبوونەوەكانیان كردووە، لە بەغداش موقتەدا سەدر كە براوەی یەكەمە لەگەڵ حەلبوسی براوەی یەكەمی سوننەكان لە گفتوگۆدایە و شاندێكی پارتی بەسەرۆكایەتی هوشیار زێباری سەردانی بەغدای كردووە لە چوارچێوەی ئامادەكارییەكانی پێش لە یەكەم دانیشتن.

me_ga.php?id=4702