گه‌ڕان

Shadow Shadow
سیاسه‌تی

وردەکاریی

بانکێک قەرزێکی 60 ملیۆنی بۆ هاووڵاتیان ڕاگەیاند

2021.11.04 - 21:44
App store icon Play store icon Play store icon
بانکێک قەرزێکی 60 ملیۆنی بۆ هاووڵاتیان ڕاگەیاند

ناس کورد- 

بانکی ڕەشید لە عێراق پێدانی قەرزێکی بە بڕی 60 ملیۆن دینار بۆ مەبەستی کڕینی ئۆتۆمبێل بە هاووڵاتیان ڕایگەیاند و دەڵێت، هەرکەسێک ئارەزووی کڕینی ئۆتۆمبێلی هەیە دەتوانن تاوەکو 60 ملیۆن دینار قەرزی پێبدەن.

کەناڵی ناس کورد لە تێلیگرام جۆین بکە   

 

ئەمەل شوەیلی، وتەبێژی بانکی ڕەشید (پێنجشەممە 4ی تشرینی دووەمی 2021) بە ئاژانسی فەرمیی عێراقی ڕاگەیاند، بانکەکەیان قەرزێکی بۆ کڕینی ئۆتۆمبێل بە بڕی 60 ملیۆن دینار ڕاگەیاندووە." 

 

ئاماژەی بەوەشکردووە، "گرێبەستیان لەگەڵ ژمارەیەک کۆمپانیای ئۆتۆمبێل کردووە و هەرکەسێک ئارەزووی کڕینی ئۆتۆمبێلی هەبێت دەتوانێت لەو کۆمپانیایانە ئۆتۆمبێلێک بکڕێت و ئێمەش تاوەکو بڕی 60 ملیۆن دینار قەرزی پێدەدەین." 

 

ڕوونیشیکردووەتەوە، "لە ماڵپەڕی بانکەکەمان ناوی ئەو کۆمپانیایانە هەن کە گرێبەستمان لەگەڵ کردوون و کڕیاران دەتوانن لەوێوە سەردانی بکەن و ئەو ئۆتۆمبێلەی دەیانەوێت هەڵیبژێرن." 

 

ئەوەشی خستووەتەڕوو، "ئەگەر کڕیارەکە فەرمانبەری حکومی بێت بارمتەی ناوێت، بەڵام ئەگەر فەرمانبەر نەبێت پێویستی بە بارمتە هەیە."