گه‌ڕان

Shadow Shadow
سیاسه‌تی

زانیارى زیاتر

’’فلتەر و تەکنیک’’..ئەنجامى بەدواداچوونى پەرلەمان لەسەر ’’جنێوەکەى’’ جەلال پەرێشان

2021.11.03 - 23:26
App store icon Play store icon Play store icon
’’فلتەر و تەکنیک’’..ئەنجامى بەدواداچوونى پەرلەمان لەسەر  ’’جنێوەکەى’’  جەلال پەرێشان

ناس کورد-

 

جێگرى سەرۆکى پەرلەمان رایگەیاند، بەچەند رێگەیەکى تەکنیکى هەوڵیانداوە لەو قسەیە تێبگەن کە "خراوەتە پاڵ" جەلال پەرێشان پەرلەمانتارى پارتى و بۆیان دەرکەوتووە قسەى لەو شێوەیەى نەکردووە.

کەناڵی ناس کورد لە تێلیگرام جۆین بکە   

 

هێمن هەورامى لەبەرنامەیەکى تەلەفزیۆنیدا لە کەناڵى رووداو وتى "ئەمە پرسە بۆ باڵشکاندنى یەکتر بەکاردەهێنرێت، بەشێک لە پەرلەمانتارانى ئۆپۆزسیۆن پێش ئەمە قسەى خراپتریان کردووە".

 

وتیشى "نەگوێمان لەقسەى وا بووە، چەندین جار لەرووى فلتەرین و تەکنیکەوە هەوڵمانداوە راستى ئەو قسەیەما بۆ دەربکەوێت کە کردویەتى یان نا، بەڵام بۆمان دەرکەوت کە قسەى لەو شێوەیە نەکراوە، ئەو قسەیەى بۆى دروستکراوە و وانەبووە و خۆشى رونکردنەوەیداوە لەو بارەیەوە"

 

لەبارەى ئەوەى ئەى جەلال پەرێشان چى وتووە، هەورامى وتى "گوێمان لەشتى وا نەبووە، شتى وا روویبدایە خۆمان ئیجرائاتمان دەکرد".

 

شایان عەسکەری پەرلەمانتارى گۆڕان رۆژى (26/10/2021) لە وتەیەکیدا لە پەرلەمان داوای لە پەرلەمان کرد هەوڵ بدات دادگاییکردنی دەستگیرکراوانی بادینان پەلە بکرێت و وتی، "تەنها تاوانی ئەوان ئەوەیە لەو دەڤەرە پارتی نین."  

  

ئەو قسەیەی شایان عەسکەری پەرلەمانتارانی پارتی توڕە کرد، دواتر وا بڵاوکرایەوە کە جەلال پەرێشان هاواری کردووە و وتوویەتی "ئەوەی باسی پارتی بکات سواری دەبم."  

  

دواتر جەلال پەرێشیان لە کۆنگرەیەکی ڕۆژنامەوانیدا وتی، "من مافی خۆمە بەرگریی لە پارتەکەم بکەم، بەڵام ئەوە پەروەردەی من و خێزان و پارتەکەم نییە بەو شێوەیە قسە بکەم، ئەوەی دەوترێت تەنها بوختانە."  

  

وتیشی، "من چەند ساڵە لەناو پەرلەمان بە گوڵ پاکترم بە هیچ پەرلەمانتارێک نەوتووە و ئەوە پەروەردەی من نییە."