گه‌ڕان

Shadow Shadow
سیاسه‌تی

پاش دورخستنەوەی

دەباشان ڕێکاری تر بەرامبەر لاهور شێخ جەنگی دەگرێتەبەر

2021.11.03 - 08:46
App store icon Play store icon Play store icon
دەباشان ڕێکاری تر بەرامبەر لاهور شێخ جەنگی دەگرێتەبەر

ناس کورد-

بەپێی زانیارییەکانی ناس کورد، دوای ئەوەی لە یەکێتی دوورخرایەوە، یەکێتی سکاڵای یاسایی دژی لاهور شێخ جەنگی تۆمار دەکات بە تۆمەتی ژەهرخواردکردنی سەرکردەکانی یەکێتی.

کەناڵی ناس کورد لە تێلیگرام جۆین بکە   

 

چەند سەرچاوەیەکی ئاگادار بۆ "ناس کورد"یان پشتڕاستکردووەتەوە کە "لە ماوەیەکی نزیکدا بەڵگە و دانپێدانانی ئەو کەسانە بڵاودەکرێنەوە کە بە تۆمەتی سیخوڕی دەستگیرکراون و هەفتەی داهاتوو بە تۆمەتی ژەهرخواردکردنی سەرکردەکانی یەکێتی سکاڵای یاسایی دژی لاهور شێخ جەنگی تۆمار دەکرێت".

 

هاوکات ناس کورد دەقی ئەو بڕیارە ئاشکرا دەکات کە بافڵ تاڵەبانی، هاوسەرۆکی یەکێتی واژۆی لەسەر دوورخستنەوەى لاهور شێخ جەنگی کردووە لە یەکێتی.

 

دوێنێ (2ی تشرینی دووەمی 2021) سەرچاوەیەکى باڵاى یەکێتى بە "ناس كورد" ڕاگەیاند، بڕیاردراوە لاهور جەنگى و چوار ئەندامى سەرکردایەتى لە ریزەکانى یەکێتى دوربخرێنەوە، بەهۆى ئەوەى چەند خاڵێکى پەیڕەوى ناوخۆیان پێشێلکردووە لەناویاندا بانگەشەکردن بۆ لایەنى دیکە و دژایەتیكردنی لیستی یەكێتی.

 

ئەو ئەندامانەی سەركردایەتی كە بڕیاری دوورخستنەوەیان دراوە بریتین لە: ئاراس شێخ جەنگی، ژینۆ محەمەد، ئاڵا تاڵەبانی و شادمانی مەلا حەسەن كە سەرجەمیان نزیكن لە هاوسەرۆكی یەكێتی لاهور شێخ جەنگی.

 

بڕیارەکە هاوکاتە لەگەڵ پەیامێکى نوێی لاهور جەنگى کە تێیدا جەختیکردەوە هێشتا درەنگ نییە بۆ ئەوەى کێشە ناوخۆییەکانى یەکێتى چارەسەر بکرێت، داواش دەکات ئەنجومەنى سەرکردایەتى یەکێتى کۆبێتەوە.        

 

زیاتر بخوێنەوە: یەكەم كاردانەوەی لاهور جەنگی پاش بڕیاری دوورخستنەوەی

 

me_ga.php?id=4699