گه‌ڕان

Shadow Shadow
سیاسه‌تی

دوو مانگ لەژێر هەناسەدانی دەستكرد

سلێمانی؛ توشبوویەك پێنج مانگە لە ململانێدایە لەگەڵ كۆرۆنا 

2021.11.02 - 21:01
App store icon Play store icon Play store icon
سلێمانی؛ توشبوویەك پێنج مانگە لە ململانێدایە لەگەڵ كۆرۆنا 

ناس كورد-

حاجی تەلار، توشبوویەكی كۆرۆنایە لە سلێمانی و ماوەی پێنج مانگە لە ململانێیەکی زۆر تونددایە لە ڕوبەڕوونەوەی ڤایرۆسەكە و لێكەوتەكانی، ئەمە لە كاتێكدا كە خوشكێك و برایەكی و باوكیشی لە دوو ساڵی ڕابردوودا هەر بەم پەتایە كۆچی دواییان كردووە و ئەم چوارەم توشبووی خێزانەكەیانە. 

کەناڵی ناس کورد لە تێلیگرام جۆین بکە   

 

حەبیب جاف، كە هاوژینی تەلارە و پارێزەرە، بۆ "ناس كورد"ی ڕوونكردەوە (2ی تشرینی دووەمی 2021)، ئەوان زۆركات دەربارەی خێزانەكەی گەیشتوونەتە حاڵەتی نائومێدی، بەڵام ئەو لە ململانێ كۆڵی نەداوە لەگەڵ ڤایرۆسەكە، كە لە جۆری دڕندەی دەلتایە و لە ناو سییەكانی تەشەنەی كردبوو. 

 

هەروەها وتیشی نەخۆشەكەیان چەندین هەفتە لە لاشعوردا ژیاوە، قسەی كردووە، دواتر كە باش بووە و بۆیان گێڕاوەتەوە، سەری سوڕماوە ئەوانە قسەو حیكایەتی ئەوبن لە كاتێكدا ئەو لە نێوان و ئاگایی و بێهۆشیدا بووە. 

 

تەلار بۆ ماوەی دوو مانگ لە نەخۆشخانەیەكی تایبەت لە سلێمانی لە ژێر ئامێری هەناسەدانی دەستكرددا بووە (cpap)، لەو ماوەیەش هەرکەس سەردانی كردووە، بێهیوابووە لەوەی بتوانێت چی تر بژی، بەڵام دوای هەشت هەفتە هاتووەتەوە هۆش بەڵام بە كەنەفتەیی و هیلاكی و كۆمەڵێك ئاسەواری قورس. 

 

هاوژینەكەی باس لەوەش دەكات ئێستا نەخۆشەكەیان پێویستی بە سارێژكردنەوەی برینەكانی سییەكانی هەیە، پزیشكەكانیش دەڵێن ئەو لە کەناری مردنەوە وە هاتۆتەوە بۆ جیهانی بوون، بۆیە پێویستی بەچاودێری ورد و درێژخایەنە و پاش پێنج مانگیش لە توشبوون هێشتا هەر لەژێر چارەسەردایە، باسی لەوەشكرد ئەوان پێیانوایە نزای زۆر و هاوكاری و بەدەمەوەهاتنی دۆستان و خزمانیان لەگەڵ هەوڵی چڕی پزیشكەكان نەیانهێشتووە لەژێر ئەو بارە قورسە گیان بسپێرێت. 

 

بەگوێرەی تویژینەوە زانستییەكان، هەندێك لە توشبووانی كۆرۆنا تووشی زیان دەبنەوە لە سییەكان و دواتریش كێشەی هەناسەدان و كۆكەیان بۆ ماوەی چەندین هەفتەی تر بۆ دروست دەبێت. 

 

ئەو زانیارییانەشی لەسەر هەندێك توشبووانی كۆكراونەتەوە ئەوە دەردەخەن دەشێت كۆرۆنا دەوروبەری 30 ئاسەوار لە پاش خۆی بەجێبهێلێت كە هەندێكیان لە چەند هەفتەیەكەوە تا چەند مانگ دەخایەنن پاش چاكبوونەوە و تێپەڕاندنی حاڵەتەكە.

قد تكون صورة لـ ‏‏‏‏‎Habib Muhamad Jaff‎‏‏، ‏‏وقوف‏، ‏منظر داخلي‏‏‏ و‏مستشفى‏‏