گه‌ڕان

Shadow Shadow
سیاسه‌تی

زانیاریی

وەزارەتی پێشمەرگە وادەی دەستپێکردنی مەشقی لیوا هاوبەشەکانی ئاشکرا کرد

2021.11.01 - 21:55
App store icon Play store icon Play store icon
وەزارەتی پێشمەرگە وادەی دەستپێکردنی مەشقی لیوا هاوبەشەکانی ئاشکرا کرد

ناس کورد-

بریکاری وەزارەتی پێشمەرگەی هەرێمی کوردستان ڕایگەیاند، هەوڵێکی زۆر درا بۆ دروستکردنی لیوایەکی هاوبەش لە نێوان هێزی پێشمەرگەی کوردستان و وەزارەتی بەرگری عێراق، هەوڵەکان سەرکەوتووبوون و لەمانگی داهاتوودا هێزەکان دەست بە مەشق دەکەن.

کەناڵی ناس کورد لە تێلیگرام جۆین بکە   

 

سەربەست لەزگین بریکاری وەزارەتی پێشمەرگەی کوردستان لە چاوپێکەوتنێکی میدیای فەرمی پارتی کە "ناس کورد" بینیویەتی (1ی تشرینی دووەمی 2021) وتی، هەوڵێکی زۆر درا بۆ پێکهێنانی لیوایەکی هاوبەش، بەهەماهەنگی وەزارەتی پێشمەرگە و حکوومەتی عێراق، بۆ ئەو ناوچانەی کە بۆشایی ئەمنیان هەیە.

 

سەربەست لەزگین ڕایگەیاند، ئێمە هیوامان دەکرد لەکاتی دیاریکراوی خۆییدا دەست بە کارەکانمان بکەین، بەڵام کاری ناوەندەکە بەخاوی دەڕوات، لەگەڵ ئەوەشدا گەیشتینە ئەو قۆناغەی لە مانگی داهاتوودا لیواکان دەست بە ڕاهێنان دەکەن. ڕاشیگەیاند، پێشمەرگە ئامادەیە بۆ هەماهەنگیکردنی عێراق بۆ ڕووبەڕووبوونەوەی تیرۆر.

 

هەروەها سەربەست لەزگین ئاماژەی بە ڕۆڵی هاوپەیمانان کرد لە پێکهێنانی ئەو لیوا هاوبەشە و رایگەیاند: لە پڕۆسەی پێکهێنانی لیوا هاوبەشەکانی نێوان وەزارەتی و پێشمەرگە وحکوومەتی عێراق هاوپەیمانان هەردەم هاریکار و هەماهەنگ بوون لەگەڵمان، هەروەها گوتی، ئێمە سوپاسی هاوپەیمانان دەکەین، ئەوان زۆر هاوکاری هێزی پێشمەرگەیان کردووە و پێداویستییەکانیان بۆ ئامادەکردووین.

 

هەروەها وتی، لەدوای ڕووداوەکانی ئەفغانستانەوە کۆمەڵگەی نێودەوڵەتی بەتایبەت بەریتانیا و ئەمریکا زیاتر و بوێرانەتر پاڵپشتی و هاوکارییمان دەکەن، هەروەها پێیان ڕاگەیاندووین کە "جێتان ناهێڵێن" و وابیرنەکەنەوە ڕووداوێکی هاوشێوەی ئەفغانستان لێرەدا ڕووبدات.

 

سەبارەت بە جموجۆڵەکانی ئەم دواییەی ڕێکخراوی داعش، سەربەست لەزگین ڕایگەیاند، داعش بەهۆی ئەم بێسەروبەرییەی عێراقی قۆزتۆتەوە و جموجۆڵەکانیان زیاتر بووە، بەڵام ئەو شوێنانەی کە هێزەکانی پێشمەرگە دەیپارێزن، پارێزراوترن، ڕاشیگەیاند: داعش نەیتوانیووە لە هیچ ناوچەیەکی ژێر کۆنتڕۆڵێ پێشمەرگە هیچ کردەیەکی تیرۆرست ئەنجام بدات، تەنها لەم ناوچانە نەبێت کە لەژێر کۆنتڕۆڵی حکوومەتی عێراقی بوونە.