گه‌ڕان

Shadow Shadow
سیاسه‌تی

بەپەلە

وەزیری خوێندنی باڵا باس لە دەست لەکار کێشانەوەی دەکات

2021.10.31 - 12:49
App store icon Play store icon Play store icon
وەزیری خوێندنی باڵا باس لە دەست لەکار کێشانەوەی دەکات

ناس کورد- 

 

وەزیری خوێندنی باڵا ڕایگەیاند، هەوڵدەدەن لە 24 کاتژمێری کێشەی دەرچووانی پۆلی 12 چارەسەربکەن و دەشڵێت، ئەگەر کێشەکە بە دەستلەکارکێشانەوەی ئەو چارەسەر دەبێت، ئەوا دەست لەکار دەکێشێتەوە. 

کەناڵی ناس کورد لە تێلیگرام جۆین بکە   

 

د. ئارام قادر، وەزیری خوێندنی باڵا (یەکشەممە 31ی تشرینی یەکەمی 2021) لە کۆنفرانسێکی ڕۆژنامەوانیدا ڕایگەیاند، "بەردەوامین لە گەڕان بۆ دۆزینەوەی چارەسەر بۆ کێشەی دەرچووانی پۆلی 12 و هەوڵدەدەین لە 24 کاتژمێری داهاتوو تەواوبین و چارەسەرەکان ڕابگەیەنین." 

 

وتیشی، " تاوەکو من لە پێگەیەدا بم ڕێگە نادەم هیچ کەس غەدر لە خوێندکاران بکات و بە هەموو شێوەیەک پشتیوانییان دەبم." 

 

سەبارەت بەوەی داوای دەست لەکارکێشانەوەی کراوە، وەزیری خوێندنی باڵا ڕایگەیاند، "ئەوەی داوای دەست لەکارکێشانەوەم دەکات، ڕێز و تەقدیرم بۆی هەیە و ئەوە بنەمایەکی دیموکراسییە، ئەگەر کێشەکە منم ئەوە زۆر ئاساییە دەستلەکار بکێشمەوە و من لە پەرلەمانەوە متمانەم وەرگرتووە و زۆر شانازی دەکەم ئەگەر متمانەم لێوەربگرنەوە." 

 

ئاماژەی بەوەشکرد، " با هەمووان بزانن، خوێندنی ئەهلی و پارالێل و ئێواران بیدعەیەک نین من دامهێنابێت، ئەوانەی کراون 10 ساڵ پێش من کراون، بڕۆن بزانن کێ وەزیر بووە ئەوکات، من لە قوڵایی بیروباوەڕمەوە دژی خوێندنی پارالێل و خوێندنی بە پارەم لە هەرێمی کوردستاندا، بەڵام ئیتر دۆخەکە ئاوایە و ناکرێت خوێندن پەک بخەین، من هاتووم کرێی پارالێل و ئێوارانم کەم کردووەتەوە." 

 

هاوکات خەتاب عومەر، بەڕێوەبەری پلان لە وەزارەتی خوێندنی باڵا ڕایگەیاند، "قوتابی هەیە دەڵێت بە 92 لە پەیمانگە ناوی هاتووەتەوە، ئەمە خۆی پەیمانگەی پڕکردووەتەوە بۆیە لەوێ ناوی هاتووەتەوە، واتە بەشێک لە خوێندکاران خۆیان بە هەڵە خۆیان فۆڕمیان پڕکردووەتەوە، ئێمە ئێستا چارەسەری کێشەکەیان بۆ دەکەین و دەتوانن بەشەکەیان بگۆڕن بۆ بەشێکی دیکە کە ئەو نمرەیەی وەرگرتووە."