گه‌ڕان

Shadow Shadow
سیاسه‌تی

زیاتر بزانە

ڕاپۆرتێك؛ سەدر ئامانجێكی هەیە لە داخستنی بارەگا سەربازییەكانی

2021.10.31 - 09:04
App store icon Play store icon Play store icon
ڕاپۆرتێك؛ سەدر ئامانجێكی هەیە لە داخستنی بارەگا سەربازییەكانی

ناس كورد-
ڕۆژنامەی ئەلعەرەبی چاپی لەندەن بڵاویكردەوە، ئامانجی موقتەدا سەدر لە داخستنی بارەگا سەربازییەكانی "سرایا السلام" خۆدەرخستنە وەك پیاوی دەوڵەت و ئەم هەنگاوەش گروپە چەكدارەكانی حەشد دردۆنگ دەكات.

کەناڵی ناس کورد لە تێلیگرام جۆین بکە   

 

ڕاپۆرتێكی ڕۆژنامەكە (31ی تشرینی یەكەمی 2021) كە "ناس كورد" بینیویەتی ئەوە دەخاتەڕوو، دوا بڕیاری سەدر بۆ داخستنی بارەگاكانی باڵی سەربازییەكەی جگە لە بەغدا و سامەڕا و نەجەف و كەربەلا، ئامادەیی دەربڕینە بۆ تێكەڵكردنیان لەگەڵ سوپا و پۆلیس ئەگەر دەسەڵاتی گرتە دەست.

 

ڕۆژنامەكە باسی لەوەش كردووە، سەدر بەم هەنگاوە دەیەوێت خۆی وەك پیاوی دەوڵەت وێنا بكات كە پێویستی بە چەك نییە، هەنگاوەكەشی گروپە چەكدارەكانی حەشد دردۆنگ دەكات و دەترسن داواكاری هاوشێوە ئەوانیش بگرێتەوە.

 

زیاتر بخوێنەوە: فەرمانێکى بەپەلە لە موقتەدا سەدرەوە

 

ڕاپۆرتەكە ئاماژە بەوەش دەكات، سەدر دەتوانێت فەتوایەك لە سیستانی دەست بخات بۆ وەرگرتنەوەی شەرعییەت لە حەشدی شەعبی چونكە نەجەف زیاتر لەگەڵ پاڵپشتیكردنی دەزگا سەربازییەكانی دەوڵەتدایە.