گه‌ڕان

Shadow Shadow
سیاسه‌تی

زانیاریی زیاتر

وەزیری دارایی بەڵێنی چارەسەرکردنی کێشەیەک دەدات

2021.10.28 - 19:19
App store icon Play store icon Play store icon
وەزیری دارایی بەڵێنی چارەسەرکردنی کێشەیەک دەدات

ناس کورد- 

لە ڕاگەیەنراوێکدا وەزارەتی دارایی و ئابوریی هەرێم ڕایگەیاند، وەزیری دارایی لە كێشەی شۆفێرانی مەرزی پەروێزخان دەكۆڵێتەوە و سەبارەت بە زۆری وەرگرتنی ڕسومات لە سنورەکە بەڵێنی چارەسەرکردنی بە شۆفێران دا.

کەناڵی ناس کورد لە تێلیگرام جۆین بکە   

 

دەقی ڕاگەیەنراوەکەی وەزارەتی دارایی: 

 

ئەمڕۆ پێنج شەممە بەرواری 28/10/2021  بەڕێز ئاوات جەناب نوری وەزیری دارایی و ئابوری لە نوسینگەی سلێمانی بەمەبەستی چارەسەركردنی كێشەی شۆفێرانی مەرزی پەروێزخان، لەگەڵ نوێنەری ئەو شۆفێرانە و سەرپەشتیار و بەرێوبەری گومركی مەرزەكە  كۆبووەوە.

 

لە كۆبووەكەدا، بەڕێز ئاوات جەناب نوری وەزیری دارایی و ئابوری جەختی لەوە كردەوە" بە هەموو شێوەیەك وەزارەتەكەمان ئامادەی چارەسەركردن و گوێگرتنە لە داخوازییەكانی ئێوە و كێشەكانتان لە چوارچێوەی ڕێنمای و یاساكانی هەرێمی كوردستان چارەسەر دەكەین."

 

پاشان بەرپرسانی دەروازەكە باسیان لەو بەربەستانە كرد كە هۆكارن بۆ سستی جوڵەی بازرگانی.

 

كێشه‌ی شۆفێران هه‌بوونی مه‌رزه‌ لاوه‌كییه‌كان كه‌ ئه‌و مه‌رزانه‌ی له‌ باشور و ناوه‌ڕاستن كه‌متر رسومات وه‌رده‌گرن.

 

لای خۆشیانەوە، نوێنەری شۆفێرانی مەرزی نێودەوڵەتی پەروێزخان، سوپاسی وەزیری دارایی و ئابوریان كرد و هیوایان خواست ئەو داواكارییانەی كە پەیوەستە كه‌مكردنه‌وه‌ی رسومات چارەسەربكرێت و بگەڕێنەوە سەر ئیشوكاری خۆیان.

 

لە كۆتایدا وەزیری دارایی و ئابوری بەڵێنی ئەوەیدا لە كەمترین ماوەدا كێشە دیارەكانی مەرزەكە چارەسەر دەكات.