گه‌ڕان

Shadow Shadow
سیاسه‌تی

زانیاریی زیاتر

ئەو پەرلەمانتارەی پارتی کە وتی ’’کارگەی غازم هەیە’’ ڕوونکردنەوە دەدات

2021.10.28 - 19:02
App store icon Play store icon Play store icon
ئەو پەرلەمانتارەی پارتی کە وتی ’’کارگەی غازم هەیە’’ ڕوونکردنەوە دەدات

ناس کورد- 

هەڵکەوت ئەنوەر، ئەو پەرلەمانتارەی فراکسیۆنی پارتی کە وتی کارگەی غازی هەیە و بەهۆی ئەوەی پارتییە بڕێکی کەم غازی پێدەدەن، لەدوای سزادانی کارگەکەی لەلایەن نەوت و کانزاکانی سلێمانییەوە، ڕوونکردنەوە دەدات.

کەناڵی ناس کورد لە تێلیگرام جۆین بکە   

 

ئەمڕۆ پێنجشەممە 28ی تشرینی یەکەمی 2021، بەڕێوەبەرایەتی نەوت و کانزانەکانی سلێمانی بەگوێرەی نوسراوێکی بەڕێوەبەرایەتی نەوت و کانزاکانی سلێمانی کە ئەمڕۆ پێنجشەممە 28ی تشرینی یەکەمی 2021 دەرچووە، کارگەی غازی شارەزوور کە خاوەنەکەی هەڵکەوت ئەنوەر خەلیفە، پەرلەمانتاری پارتییە لە پەرلەمانی کوردستان بەهۆی فرۆشتنەوەی ئەو بڕە غازەی کە بۆی دابین کراوە بە فەلی و لە دەرەوەی کارگە، سزا دراوە.   

 

لەوبارەیەوە لە ڕاگەیەنراوێکدا هەڵکەوت ئەنوەر، ئەندامی فراکسیۆنی پارتی لە پەرلەمانی کوردستان (پێنجشەممە 28ی تشرینی یەکەمی 2021) ڕایگەیاند، " بڕینی بەشە غازی کارگەکەمان لەلایەن بەڕێوەبەرایەتی نەوت و کانزاکانی سلێمانی و شێخەکەی پشتیانەوە بێدەگمان ناکات." 

 

ئاماژەی بەوەشکردووە، "باشترە هەندێک کەس و فەرمانبەری هەڵتۆقیوی گەندەڵ باڵۆنی فوو تێکراویان لەسەر ئێمە تاقی نەکەنەوە!، دوای ئەو لێدوانەمان لە پەڕلەمانی کوردستان و ناوهێنانی قۆرخکارێکی سوتەمەنی، بەوەی کە بەشە غازی مانگانەی کارگەکەمانی کەم کردەوە." 

 

باسی لەوەشکردووە، "ئەمرۆ دیسان بە فشار و فەرمانی هەمان گروپ و تاقمی قۆرخکار، لیژنەی نەوت و سوتەمەنی و (میم حسیب) ناوێکی فەرمانبەردار و ملکەچ کە دەنگیمان لایە کێ فەرمانی پێ کردووە، پێمان ڕاگەیەنرا، ئەو بڕە کەمەش کە بۆمان دیاری کرابوو بۆ کارگەکە، بەتەواوی بڕاوە و ناتوانن وەری بگرین، واتە کارگەکەمان دابخەین، بەوەش ئێمە نا، هاووڵاتیان زیانمەندی یەکەم دەبن و بەو سیاسەتە چەوتەی ئەو برادەرانە ماڵە فەقیر و هەژارانی دەڤەری شارەزور و هەڵەبجە دەبێ بڕۆن بە گرانتر غاز بکڕنەوە و باجەکەی بدەن، ئەوەش دەرەنجامی ئەخلاقی شێخی قۆرخکار." 

 

جەختیشیکردووەتەوە، "جارێکی تر دوپاتی دەکەمەوە ئەو سیاسەت و فشارو کارە قێزەونانەی بەڕێوەبەرایەتی نەوت و کانزاکانی سلێمانی و کۆمپانیاکانی پشتیان، ناتوانن یەک زەڕڕە پەشیمانمان بکەنەوە لە ڕێبازی کوردایەتی و بمانوەستێنێت، هەموو بەڵگە دەنگیەکانیش کە داوای بڕینی ئەو بەشە غازەی کارگەکەمان دەکەن نایاساییە و هەفتەی داهاتوو لە کۆنفڕانسێک دەیخەینە بەرچاوی ڕای گشتی و میدیاکاران و بەڵگەی فرۆشتنی نایاسایی هەموو ئەو تەنکەرە غازانە بۆ دوسێ کەس دەخەینە بەرچاوتان." 


زیاتر بخوێنەرەوە: كارگەی غازی ئەو پەرلەمانتارە سزا درا كە سكاڵای بێبەشكردنی كرد