گه‌ڕان

Shadow Shadow
سیاسه‌تی

بزانە چی ڕوویدا

’’بەوێنە؛ نمایشی گەنجێکی سەرکێش لە هەولێر بە ڕووداوێکی گەورە کۆتایی هات’’

2021.10.28 - 18:45
App store icon Play store icon Play store icon
’’بەوێنە؛ نمایشی گەنجێکی سەرکێش لە هەولێر بە ڕووداوێکی گەورە کۆتایی هات’’

ناس کورد- 

وتەبێژی هاتوچۆی هەولێر ڕایگەیاند، نمایشی گەنجێکی سەرکێش بە ئۆتۆمبێلێکی بیئێمەوە ڕووداوێکی گەورەی لێکەوتەوە و خۆی کێشا بە پێنج ئۆتۆمبێلدا و بەهۆیەوە چوار کەس برینداربوون.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا فازڵ حاجی، وتەبێژی هاتوچۆی هەولێر (پێنجشەممە 28ی تشرینی یەکەمی 2021) ڕایگەیاند، "کاتژمێر 5ی سەرلەئێوارەی ئەمڕۆ، لەسەر شەقامی 120مەتری لەو بەشەی دەکەوێتە نێوان رێگای شەقلاوە و گەڕەکی هەولێری نوێ، گەنجێک کە بیئێمێکی تایبەتی لیدەخوڕی و نمایشی پێدەکرد و وەکو مار لەنێوان ئوتومبێلەکان بەخێرایی دەڕۆیشت، لەو کاتە کۆنترۆلی لەدەستدا و خۆی کێشا بە 5 ئوتومبێل لە دواییش لەشەقام دەرچوو و خۆی بەڕاگرەکانی تەنیشتی شەقامدا دا و لەپاش شکاندنی کۆمەلێک داری جوانکاری ، ئینجا چووە سەرشەقامی خەدەمی 120مەتری و لەوێ وەستا." 

 

ئاماژەی بەوەشکردووە، "بەداخەوە لەدەرەنجامی ئەو ڕووداوە چوار کەس کە شوفێر و سەرنشینی ئوتومبێلەکانی تر بوون، زیانیش بە 6 ئوتومبێل کەوت، 20 مەتر گاردرێلی ڕێگایەکە تێکچوو،چەند دارێکی جوانکاری شکان، ئەمە جگە لەوەستانی جوڵە و داخستنی ڕێگاکە بۆ ماوەیەک." 

 

ئەوەشی خستووەتەڕوو، "جا کە ئێمە دەلێین شەقام شوێنی دریفت و نمایش نیە بەسەدان دەنوسن، ئێوە خۆشیتان بۆ گەنجان نەهێشتووەتەوە لەوشارە، وەکو ئەوەی شەقامەکان کە مولکی گشتین تەنها بۆسەرکێشی و دریفتکردن و نمایش دەوستکرابن، نەک بۆ ئاسانکردنی جوڵە و زوتر گەیاندنی کەسەکان." 

 

وتەبێژی هاتوچۆی هەولێر دەڵێت، "بۆ بنەبڕکردنی ئەو دیاردە ترسناکەی کە ڕۆژ بەڕۆژ مەترسی زیاتر دەبێت لەشەقامەکانمان، من پێشنیار دەکەم بەزوترین کات یاسای هاتووچۆ هەموار بکرێتەوە و سزای زۆر توند دابنرێت لەسەر ئەو جۆرە سەرپێچیە کە دەتوانین بلێین زیاتر تاوانە نەوەک سەرپێچی." 

 

دەشڵێت، "هیوادارم پەرلەمانمان لەجیاتی ئەو شەڕە جنێوەی کەئێستا خەریکین، بێنە مەیدان و بسەلمێنن کە ئەوان پەرلەمانتارن، بەزوترین کات سنورێک بۆ ئەو مەترسییە گەورەیە دابنێن کە خەریکە تامی لێخوڕین ناهێلێت لەشەقامەکانمان." 

 

May be an image of car and road

May be an image of standing, car and road

May be an image of standing and road

May be an image of sky and road

May be an image of car and road

May be an image of car and road

May be an image of car and road

May be an image of car and road