گه‌ڕان

Shadow Shadow
سیاسه‌تی

ڕێژەی مردن 19% بەرزبووەتەوە

وەزیری تەندروستی باسی قەدەغەی هاتوچۆ و داخستنی قوتابخانەکان دەکات

2021.10.24 - 10:50
App store icon Play store icon Play store icon
وەزیری تەندروستی باسی قەدەغەی هاتوچۆ و داخستنی قوتابخانەکان دەکات

ناس کورد-

بڕیارە سبەینێ دووشەممە لیژنەی باڵای رووبەڕووبوونەوەی کۆرۆنا کۆببێتەوە و رێکاری نوێ دەربکات، وەزیری تەندروستیش دەڵێت، رێژەی مردن 19% زیادی کردووە، دەشڵێت، نە قوتابخانەکان دادەخرێن و نە قەدەغەی هاتوچۆش ڕادەگەیەنرێت، چونکە بەدیلی ئەو ڕێکارە هەیە کە وەرگرتنی ڤاکسینە. 

کەناڵی ناس کورد لە تێلیگرام جۆین بکە   

 

د. سامان بەرزنجی، وەزیری تەندروستیی حکومەتی هەرێمی کوردستان (یەکشەممە 24ی تشرینی یەکەمی 2021) لە لێدوانێکی تەلەفزیۆنیدا ڕایگەیاند، " لەئێستا بەراورد بە ڕابردوو ڕێژەی توشبوون بە کۆرۆنا 5% بەرزبووەتەوە، بەڵام ڕێژەی داخڵبوون لە نەخۆشخانەکان زۆر بەرزبووەتەوە کە 40%ـە و هەروەها گیان لەدەستدانیش بەڕێژەی 19% زیادی کردووە، ئەوەش دەرخەری ئەوەیە کۆرۆنای ئێستا توندتر و مەترسیدارترە." 

 

وتیشی، "هەربۆیە بڕیارماندا سبەینێ دووشەممە کۆبوونەوەی لیژنەی باڵای ڕووبەڕووبوونەوەی کۆرۆنا بکەین و بڕیار و ڕێنمایی نوێ دەربکەین." 

 

ئاماژەی بەوەشکرد، "یەکێک لە پێشنیازەکان ئەوەیە کە ڤاکسین بۆ مامۆستا و فەرمانبەران و ئەو کەسانەی لە شوێنە داخراوەکان کاردەکەن، دەکرێتە ناچاری، بەڵام دەرگای قوتابخانەکان داناخرێن." 

 

وه‌زیری ته‌ندروستی باسی لەوەشکرد، بەهۆی ئه‌وه‌ی ئێستا پایزه‌ و وه‌رزی پەتای وەرزیی ئەنفلۆنزایە، هاووڵاتیان پێویسته‌ ئه‌و په‌تایه‌ به‌هه‌ند وه‌ربگرن و پشكینی كۆرۆناش بكه‌ن، چونكه‌ نیشانه‌كانیان له‌یه‌ك نزیكن، تاوه‌كو نه‌بنه‌ هۆی گواستنه‌وه‌ی په‌تاكه‌. 

 

سەبارەت بە ڕاگەیاندنی قەدەغەی هاتوچۆ وەزیری تەندروستی ئاماژەی بەوەکرد، "لەئێستادا بەدیلی قەدەغەی هاتوچۆ هەیە کە ئەویش وەرگرتنی ڤاکسین و جێبەجێکردنی ڕێنماییە تەندروستییەکانە و پێویسته‌ مامۆستایان و فه‌رمانبه‌ران و ئه‌وانه‌ی له‌ شوێنه‌ داخراوه‌كاندا كار ده‌كه‌ن، ده‌ستپێشخه‌ری بكه‌ن و ڤاكسینی كۆرۆنا وه‌ربگرن."