گه‌ڕان

Shadow Shadow
سیاسه‌تی

لیتری بە چەند دەفرۆشێت؟

’’حكومەت مۆڵەتی هێنانی بەنزین بە شاسوار عەبدولواحید دەدات’’

2021.10.23 - 20:36
App store icon Play store icon Play store icon
’’حكومەت مۆڵەتی هێنانی بەنزین بە شاسوار عەبدولواحید دەدات’’

ناس کورد- 

لەدوای ئەوەی شاسوار عەبدولواحید تەحەدای ئەوەی کرد کە ئەگەر مۆڵەتی هێنانی بەنزینی بدەنێ لیترێک بەنزین دەکات بە 450 دینار، عەلی حەمەساڵح دەڵێت، سبەینێ وەزارەتی سامانە سروشتییەکان مۆڵەتی هێنانی 10 ملیۆن لیتری دەدەنێ، چاوەڕوانە داواکاری پێشکەش بکات.

کەناڵی ناس کورد لە تێلیگرام جۆین بکە   

 

شاسوار عەبدولواحید، سەرۆکی جوڵانەوەی نەوەی نوێ (شەممە 23ی تشرینی یەکەمی 2021) لە گرتەیەکی ڤیدیۆییدا ڕەخنەی توندی لە حکومەتی هەرێم گرت و ڕایگەیاند، "تەحەدا دەکەم ئەگەر مۆڵەتی هێنانی بەنزینم بدەنێ، لیترێک بەنزین دەدەم بە 475 دینار." 

 

لەوبارەیەوە لە ڕاگەیەنراوێکدا عەلی حەمەساڵح، سەرۆکی لیژنەی وزە و سامانە سروشتییەکان ڕایگەیاند، "وەک دەستخۆشی و پشتیوانی،

 

وەک سەرۆکی لیژنە قسەم لەگەڵ وەزارەتی سامانە سروشتییەکان کردووە، سبەینێ مۆڵەتی 10 ملیۆن لیتر بەنزینی بدەنێ." 

 

ئاماژەی بەوەشکردووە، "چاوەڕێین سبەینێ داواکاری پێشەکەش بکات." 

 

 

دەقی نوسینەکەی عەلی حەمەساڵح: 

 

ھەرچەندە دەزانم ڕێگا دروستەکە چیە، بەڵام پشتیوانی ھەموو ھەوڵێکم..

 

سەرۆکی جوڵانەوەی نەوەی نوێ دەڵێ: مۆڵەتم دەنێ بەنزین بھێنم لیترێک دەدەمە ٤٧٥ دینار، منیش وەک سەرۆکی لیژنەی وەزەو سامانە سروشتیەکان پشتیوانی دەکەم، لەگەڵ لایەنی پەیوەندیدار قسەم کردوە مۆڵەتی پێبدەن.. سبەی داواکاری پێشەکەش بکات ئێمەش پشتیوان دەبین بە ھەموو شێوەیەک..

 

بەڵام من ئەزمونی ٨ ساڵم لە لیژنەی سامانە سروشتیەکان ھەیە، کاری وا زۆر ئەسەتەمە.. زۆر

 

ئەمڕۆ تەنێک بەنزین لە بازاڕی جیھان ٨٠٠ دۆلار بوە، واتە: جگە لە گومرگ گواستەوە قازانجی بازرگان، واتە: لیترێک نزیکەی ٩٠٠ دینار. تێکەڵی پترۆ کیمیاوی دەکەن بۆ ھەرزان بوونی..

 

من پێموایە ڕێگای دروست پاڵاوتنە لە نێوخۆو ڕێگریە لە ھەر قۆرخکاریەک بە بەرھەمی ناوخۆ بکرێت، وەک ئەوەی ئێستا لە ھەولێر نزیکەی دوو ملیۆن لیتری ڕۆژانە بۆ سێ کۆمپانیا قۆرخکراوە..چارەسەر لە نێوخۆیە..

me_ga.php?id=4678