گه‌ڕان

Shadow Shadow
سیاسه‌تی

نوێ

لیژنەی ئەوقافی پەرلەمان: وەزارەتی پەروەردە ’’پیلانە مەترسیدارەکە’’ی جێبەجێکرد

2021.10.23 - 17:58
App store icon Play store icon Play store icon
لیژنەی ئەوقافی پەرلەمان: وەزارەتی پەروەردە ’’پیلانە مەترسیدارەکە’’ی جێبەجێکرد

ناس کورد- 

سەرۆکی لیژنەی ئەوقاف و کاروباری ئاینی لە پەرلەمانی کوردستان ڕایگەیاند، وەزارەتی پەروەردە دەستکاری کردنی پڕۆگرامی وانەی پەروەردەی ئیسلامی خستەبواری جێبەجێکردنەوە و چەندین بابەتی گرنگی لابردووە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا هەورامان گەچێنەیی، سەرۆکی لیژنەی ئەوقاف و کاروباری ئاینی لە پەرلەمانی کوردستان (شەممە 23ی تشرینی یەکەمی 2021) ڕایگەیاند، "بەداخەوە دواجار وەزارەتی پەروەردەی حکومەتی هەرێمی کوردستان دەستکاری کردنی پڕۆگرامی وانەی پەروەردەی ئیسلامی خستەبواری جێبەجێکردنەوە." 

 

ئاماژەی بەوەشکردووە، "چەندین وانەی گرنگ سەبارەت بە پایە و ڕوکنەکانی ئیمان و عەقیدە، بڕوابوون بەڕۆژی دوایی، قەزاو قەدەر، ئەحکامەکانی سوێن خواردن، و باس و خواسی هاوەڵانی ئازیزی پێغەمبەری خوا (د.خ) و چەند بابەتێکی دیکە لەسەر حوکم و سیاسەت لە ئیسلامدا و پیادەکردنی عەدالەت، ئەمانەی هەموو لابردووە." 

 

هەورامان گەچێنەیی ئەو کارە بە "پیلانێکی مەترسیدار" ناودەبات و دەڵێت، سبەینێ لە کۆنفرانسێکی ڕۆژنامەوانیدا ڕوونکردنەوەی زیاتری لەسەر دەدات

 

پێشتر ناس کورد لە هەواڵێکدا ئاشکرای کرد کە لە چاپی نوێی پەروەردی ئیسلامیی نۆیەمی بنەڕەتی سێ بابەتەتی سەرەکی لابراوە.   

 

زیاتر بخوێنەرەوە: سێ بابەت لە پرۆگرامی ئیسلامیی بنەڕەتی لادەبرێن