گه‌ڕان

Shadow Shadow
سیاسه‌تی

زانیاریی زیاتر

بۆ ئەوانەی داوای ڤیزای ئێران دەکەن دەبێت ئەم دوو مەرجەتان هەبێت

2021.10.23 - 12:00
App store icon Play store icon Play store icon
بۆ ئەوانەی داوای ڤیزای ئێران دەکەن دەبێت ئەم دوو مەرجەتان هەبێت

ناس کورد-

سەرکونسوڵگەری ئێران لە هەولێر ڕایگەیاند، ئەو هاوڵاتیانەی هەرێمی کوردستان دەیانەوێت سەردانی ئێران بکەن دەبێت کارتی هەردوو ژەمە ڤاکسینی کۆرۆنا و پشکنینی نێگەتیڤی کۆرۆنایان پێ بێت.

کەناڵی ناس کورد لە تێلیگرام جۆین بکە   


سەرکونسوڵگەری کۆماری ئیسلامی ئێران لە هەولێر ئاگاداری گشت ئەو کەسانە دەکات کە دەیانەوێت ڤیزەی ئێران وەربگرن، "بەپێی بڕیار و ڕێنماییەکان و پرۆتۆکۆلی تەندروستی کە لە لایەن وەزارەتی تەندروستی کۆماری ئیسلامی ئێران دەرچووە، لە ڕۆژی شەممەوە (23ی تشرینی یەکەمی 2021) گشت هاوڵاتیانی بیانی بۆ گەتکردن بۆ وڵاتی ئێران لە تەواوی ڕێگا زەمینی و دەریایی و ئاسمانییەکانەوە لە سەریان پێویستە کە کارتی ڤاکسینی کۆرۆنا کە لە کوتانی دۆزی دووەم بە لایەنی کەم  15 ڕۆژ تێپەر بووبێت و هەروەها ڕاپۆرتی نێگەتیڤی پشکنینی کۆرۆنا ( PCR ) کە ماوەی 96 کاتژمێر تێپەر نەبێت لەگەڵیاندا بێت و پێشکەشی بکەن".

 

دەشڵێت، "هەر بۆیە ئەو کەسانەی داوای ڤیزە دەکەن لە کاتی وەرگرتنی ڤیزە لە کۆنسولگەری پێویستە (کارتی ڤاکسین) پێشکەش بکەن و لە کاتی چوون بۆ ئێران لەگەڵ کارتی ڤاکسین پێویستە بڕوانامەی پشکنینی کۆرۆنا (PCR)یان پێ بێت.