گه‌ڕان

Shadow Shadow
سیاسه‌تی

كازمی پشتیوانی رۆژئاوای هەیە

ڕاپۆرتێكی ئەمەریكی باس لە چانسی كازمی و ئاراستەی سەدر دەكات

2021.10.22 - 11:06
App store icon Play store icon Play store icon
ڕاپۆرتێكی ئەمەریكی باس لە چانسی كازمی و ئاراستەی سەدر دەكات

ناس كورد_

رۆژنامەی فاینانشڵ تایمزی ئەمەریكی بڵاوی كردەوە سەركەوتنی سەدر چانسی زیاتر دەدات بە مستەفا كازمی بۆ مانەوەی لە پۆستەكەی و بەهەردووكیشیان دەتوانن جڵەوگیری گروپە چەكدارەكانی سەر بەئێران بكەن.

کەناڵی ناس کورد لە تێلیگرام جۆین بکە   

 

ڕۆژنامە ئەمەریكییەكە لە ڕاپۆرتێكدا كە "ناس كورد" بینیویەتی (22ی تشرینی یەكەمی 2021) باس لەوە دەكات هەر ئەوەی سەدر پاشكۆی ئێران نییە پاڵی ناوە بە رۆژئاوا پێیان وابێت دەكرێت بەكەڵك بێت بۆ ئەوەی لە عێراق ببێتە لەمپەر لەبەردەم گروپە چەكدارەكانی تاران.

 

رۆژنامەكە باس لەوەش دەكات مستەفا كازمی ستایش و سەرسامی رۆژئاوای هەیە بەهۆی بەرەنگاربوونەوەی میلیشیاكان بەڵام كاردانەوەكان لە دژی بوونەتەهۆی لاوازكردنی پێگەی دەوڵەت.

 

راپۆرتەكە باس لەوەش دەكات دەكرێت كازمی بە پاڵپشتی سەدر لە پۆستەكەی بمێنێتەوە، بەڵام بەهۆی ئەوەی سەدر كەسێكی پۆپۆلیستە هیچ هیوایەك نییە چاكسازی جێبەجێ بكات و ناوبراو سەر بە سیستمێكە بەرژەوەندی خۆیان لەپێش هەموو شتێكەوە دادەنێن.

 

لەپاش هەڵبژاردنە پەرلەمانییەكەی 10ی تشرینی یەكەم دەركەوت سەدر یەكەم لیستی عێراقە (73 كورسی) بەدوایدا لەناو شیعەكان دەوڵەتی یاسای نوری مالیكی (35 كورسی) و بەهۆی ناڕەزایی لەسەر ئەنجامەكانیش هێشتا ئاسۆی پێكهێنانی حكومەت دیار نییە، چونكە هێزە شیعەكانی ڕكابەری سەدر تانەیان هەیە لە ئەنجامەكان.