گه‌ڕان

Shadow Shadow
سیاسه‌تی

’’گیانتان بکەوێتە مەترسییەوە’’

وەڵامێکى توند لە کۆمەڵەوە بۆ  فازڵ میرانی و مەلا بەختیار: وریای قسەکانتان بن

2021.10.18 - 22:27
App store icon Play store icon Play store icon
وەڵامێکى توند لە کۆمەڵەوە بۆ  فازڵ میرانی و مەلا بەختیار: وریای قسەکانتان بن

ناس کورد-

 

وتەبێژى کۆمەڵى ئیسلامى وەڵامى فازڵ میرانى و مەلا بەختیارى دایەوە و داوایان لێدەکات  لە کۆبونەوەکان وریای قسەکانیان بن.

کەناڵی ناس کورد لە تێلیگرام جۆین بکە   

 

محەمەد حەکیم ئەمڕۆ دووشەممە لە بڵاوکراوەیەکدا رایگەیاند "کاک مەلا بەختیار لە بری گاڵتەکردن بە کۆمەڵ خەمی حزبەکەی خۆت بخۆ.کاک فازڵ میرانی، من وتەبێژی کۆمەڵم و ڕەئی جەنابی سەرۆک و ئەنجومەنی باڵای حزب ڕادەگەیەنم، لە نێو حزبێکی خواپەرست نەک شەخس پەرست".

 

دەشڵێت "ئامۆژگاریتان ئەکەم لە کۆبونەوەکان وریای قسەکانتان بن، نەبادا باسی ھەندێک کەسی تر بکەن، دواتر قسەکان بگاتەوە جێی خۆیی و ژیانتان بکەوێتە مەترسییەوە".

 

شاندى پارتى و مەلا بەختیار لەکۆبوونەوەى نێوانیاندا باسى بڕیارەکانى کۆمەڵى دادگەرى و نەوەى نوێ دەکەن بۆ بەشدارینەکردن لەکۆبوونەوەکانى تایبەت بە پێکهێنانى حکومەتى نوێی عێراق.  

 

بەپێی گرتەى ڤیدیۆیی کۆبوونەوەکە کە "ناس کورد" بینیویەتى، لەسەرەتاى کۆبوونەوەکەدا ئەندامێکى شاندى پارتى باس لەوەدەکات کە کۆمەڵ رایگەیاندووە کە بەشدارى گفتوگۆکان ناکات، ئەوەش لەزمانى محەمەد حەکیم وتەبێژى کۆمەڵەوە راگەیەنراوە، بەڵام فازڵ میرانى دەڵێت مەرج نییە لەناو کۆمەڵ ئەوەى محەمەد حەکیم بیڵێت وابێت.  

  

هەروەها لەکۆبوونەوەکەدا مەلا بەختیار دەڵێت، ناهەقیان نییە، چونکە ئەوان یەک کورسیان هێناوە.  

  

هەر لەکۆبوونەوەکەدا باسى هەڵوێستى نەوەى نوێ دەکرێت بۆ بەشدارینەکردن لە گفتوگۆکان و مەلا بەختیار بە فازڵ میرانى دەڵێت ئەوەى ئەوان جیاوازە چونکە دەڵێن لەگەڵ پارتى و یەکێتى دانانیشن، رێگەیەکیان گرتووەتەبەر و بزانین بەکوێ دەگەن.  

  

شاندى باڵاى پارتى ئەمڕۆ گەیشتە سلێمانى و لەگەڵ یەکێتى، گۆڕان و سۆسیالیست کۆبوونەوە، بەمەبەستى تاوتوێکردنى پرسی یەکڕیزى لایەنەکان لە گفتوگۆى پێکهێنانى حکومەتى نوێی عێراقدا.