گه‌ڕان

Shadow Shadow
سیاسه‌تی

لێدوانی مەڵبەندی کەرکوکی یەکێتی لەبارەى چارەنووسی حەمەسوور دووشیوانی

2021.10.18 - 15:21
App store icon Play store icon Play store icon
لێدوانی مەڵبەندی کەرکوکی یەکێتی لەبارەى چارەنووسی حەمەسوور دووشیوانی

ناس کورد-

وتەبێژی مەڵبەندی کەرکوکی یەکێتی ڕایگەیاند، تائێستا هیچ نوسراوێک لە سەرکردایەتی یاخود مەکتەبی سیاسی یەکێتییەوە لەبارەى لابردن یاخود دەستلەکارکێشانەوەى محەمەد دووشیوانی، بەرپرسی مەڵبەندەکە دەرنەچووە و ناوبراو تەنها خۆی داوای دوو مانگ مۆڵەتی کردووە. 

کەناڵی ناس کورد لە تێلیگرام جۆین بکە   

 

دوێنێ چەند میدیایەک نزیک لە بەرپرسانی یەکێتی باسیان لەوەکرد کە بە فەرمانی بافڵ تاڵەبانی، هاوسەرۆکی یەکێتی محەمەد دووشیوانی لە پۆستی بەرپرسی مەڵبەندی کەرکوکی یەکێتی لابراوە، دواتر نوسراوێک دزەی کردە ناو میدیاکان کە تێیدا ناوبراو خۆی داوای دوو مانگ مۆڵەت دەکات.

 

نەجات محەمەد، وتەبێژی مەڵبەندی کەرکوکی یەکێتیی نیشتمانیی کوردستان لە لێدوانێکدا بۆ "ناس کورد" (18ی تشرینی یەکەمی2021) ئاشکرای کرد، "تائێستا هیچ نوسراوێک بۆ دورخستنەوە و لابردنی محەمەد دووشیوانی لە سەرکردایەتی یاخود مەکتەبی سیاسیی یەکێتییەوە نەگەیشتووەتە مەڵبەند".

 

وتیشی، "ئەوەی هەیە محەمەد دووشیوانی خۆی داوای دوو مانگ مۆڵەتی کردووە بەهۆی هەندێک کاری تایبەتی خۆیەوە."

 

ئەوە لەکاتێکدایە هەفتەی ڕابردوو، کوڕێکی محەمەد دووشیوانی لە شاری دەروازە سیتی لە سلێمانی تەقەی لە کارمەندێکی سکیوریتی کرد و کوشتی، بابەتەکە هەڵایەکی گەورەی لەناو خەڵک و تۆڕە کۆمەڵایەتییەکان دروست کرد.

 

 

لەدوای ڕووداوەکانی 8ی تەموزی ناو یەکێتی، دەنگۆی لابردنی ناوبراو بڵاوبوویەوە لەلایەن بافڵ تاڵەبانیی هاوسەرۆکی یەکێتییەوە، بەڵام دواتر وتەبێژی مەڵبەند ڕەتی کردەوە.