گه‌ڕان

Shadow Shadow
سیاسه‌تی

پلەی گەرما نزمتر دەبێتەوە

کاریگەری شەپۆلێکی بەفر بارین دەگاتە هەرێم

2021.10.17 - 12:22
App store icon Play store icon Play store icon
کاریگەری شەپۆلێکی بەفر بارین دەگاتە هەرێم

ناس کورد- 

بەگوێرەی پێشبینییە کەشناسییەکان، سبەینێ دووشەممە پلەکانی زیاتر نزمدەبنەوە و کەشوهەوا بۆ فێنک و سارد دەگۆڕێت، هەروەها ڕۆژی سێشەممەش کاریگەری شەپۆلێکی بەفر بارینی باکوری کوردستان دەگاتە بەشێک لە ناوچەکانی هەرێم.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا ئاراس جەبار، شارەزای کەشناسی (یەکشەممە 17ی تشرینی یەکەمی 2021) ڕایگەیاند، "سبەی دووشەمە لە ئەنجامی زیادبوونی کاریگەری بارستە ھەوای سارد لەسەر ناوچەکە پلەکانی گەرما بەرێژەی ٣ تا ٤ پلەی سیلیزیی دیکە بەڕاورد بە ئەمڕۆ نزمتردەبنەوە." 

 

ئاماژەی بەوەشکردووە، " بەرزترین پلەکانی گەرما بەم شێوەیە دەبێت لەسەنتەری پارێزگاکانی ھەرێم ( سلێمانی ٢٦ پلە ، ھەولێر ٢٧ پلە ، دھۆک ٢٥ پلە ، ھەڵەبجە ٢٦ پلە ، کەرکوک ٢٨ پلە ) لەناوچەکانی گەرمیان لە ٣٤ پلەوە نزمدەبێتەوە بۆ نێوان ٣٠ تا ٣١ پلە لە سنوری ئیدارەی راپەرین لەنێوان ٢٥ بۆ ٢٦ پلە دەبێت." 

 

ئەوەشی خستووەتەڕوو، " خێرایی با ئاسایی بۆ مامناوەند دەبێت ١٥-٢٥ کم/س لە ئاراستەی باشوری رۆژئاواوە ، ئاسمانی ھەرێم بە زۆری ساماڵ و پەڵە ھەورێکی کەم ئەبێت لەکاتەکانی دوای نیوەرۆ و لەشەودا بۆ نیمچە ھەور دەگۆرێت." 

 

هەر بەگوێرەی پێشبینییەکان، " سبەی شەپۆلێکی بارانبارین روو لە ناوچەکانی کوردستانی باکور دەکات و لەناوچە شاخاوییە بەرزەکاندا بەھۆی نزمبوونەوەی بەرچاوی پلەکانی گەرما بەفر دەبارێت، بۆ دوو سبەی رۆژی سێشەمە کاریگەری ئەم شەپۆلە بەلاوازی لەناوچە شاخاوییەکانی سنوری پارێزگای دھۆک و ھەولێر و ئیدارەی راپەرین کاریگەری دەبێت."