گه‌ڕان

Shadow Shadow
سیاسه‌تی

زانیاریی زیاتر

هۆشیار زێباری: ئەو پەرلەمانتارە کوردانەى دژایەتی قەوارەی هەرێمیان کرد کەوتن

2021.10.16 - 08:52
App store icon Play store icon Play store icon
هۆشیار زێباری: ئەو پەرلەمانتارە کوردانەى دژایەتی قەوارەی هەرێمیان کرد کەوتن

ناس کورد-

هۆشیار زێباری، ئەندامی مەکتەبی سیاسی پارتی دیموکراتی کوردستان ڕایگەیاند، دانوستانی ڕاستەقینە بۆ پێکهێنانی حکومەت لەدوای ڕاگەیاندنی ئەنجامی کۆتاییەوە دەستپێدەکات و دەڵێت، "چەند پەرلەمانتارێکی کورد کە دژایەتی قەوارەی هەرێمی کوردستانیان کرد سەرکەوتوو نەبوون."

کەناڵی ناس کورد لە تێلیگرام جۆین بکە   

 

هۆشیار زێباری لە چاوپێکەوتنێکیدا لە بەرنامەی "حصاد الشرقية"ی کەناڵی شەرقیە کە "ناس کورد" بینیویەتی (16 تشرینی یەکەمی 2021) دەڵێت، "هەڵبژاردنی یەکشەممەی ڕابردوو لە پاکترین هەڵبژاردنەکانی عێراق بوو لەلایەنی دادگەری و ئازادی".

 

ئەو پێی وایە "سیاسەتی عێراق وەک چەرخ و فەلەک وایە" و ئاماژە بەوە دەکات کە "هەندێک لە سەرانی گەندەڵی لە هەڵبژاردنەکەی یەکشەممەدا کەوتن، ئەوەش ئەنجامێکی ئەرێنی و دڵخۆشکەرە بۆ عێراقییەکان، هەرچەندە هەندێک لە وەزیر و سیاسییە بەڕێزەکان سەرنەکەوتن، بەڵام هەندێک لە پەرلەمانتاری کوردیش کە دژایەتی هەرێم و مافە دەستورییەکەیان دەکرد کەوتن."

 

هۆشیار زێباری جەخت دەکاتەوە کە "ئەوەى لەم قۆناغەدا گرنگە دورکەوتنەوەیە لە بارگرژی و دروستکردنی توندوتیژی و ڕاگرتنی هەموو لێدوان و قسەیەک کە بەو ئاڕاستەیە دەڕوات."

 

ناوبراو داواشی لە دۆڕاوەکانی هەڵبژاردن کرد کە "بەئاگابن لە مەترسییەکانی داهاتوو، چونکە خراپکردنی دۆخەکە لە ئێستادا وڵات وێران دەکات."

 

"بۆیە ئامۆژگاری سکاڵاکاران و ناڕەزایان دەکەین ڕوو لە یاسا بکەن و بە هیچ شێوەیەک پەنا نەبەنەبەر توندوتیژی و بارگرژی، چونکە لە هەموو هەڵبژاردنێکدا براوە و دۆڕاو هەیە."

 

هۆشیار زێباری جەختی کردەوە کە "حکومەتی داهاتوو هاوپەیمانی دەبێت و هیچ لایەنێک ناتوانێت خۆی بەسەر ئەوی تردا بسەپێنێت، پێویستە هەمووان بەپێی سازان بەشداری تێدا بکەن."

 

 

ئەو جەختی کردەوە کە "هەموو قسە و لێدوانەکانی ئێستا تەنها بۆ تاقیکردنەوەن، بابەتەکە کەوتووەتە دوای ئاشکراکردنی ئەنجامی کۆتایی دەنگدان و کێبرکێکە لەوێوە دەستپێ دەکات."