گه‌ڕان

Shadow Shadow
سیاسه‌تی

سەدر بۆ مالیكی: تاقی كرایتەوە و شكستت هێنا دووبارە ناكرێتەوە

2021.10.15 - 22:12
App store icon Play store icon Play store icon
سەدر بۆ مالیكی: تاقی كرایتەوە و شكستت هێنا دووبارە ناكرێتەوە

ناس کورد-

موقتەد سەدری سەرۆكی ڕەوتی سەدر لە ڕێگەی وەزیرەكەیەوە ساڵح عێراقی پەیامێكی ئاڕاستەی حیزبی دەعوە كرد و دەربارەی مالیكی دەڵێت، "تاقی كرایەوە و سەركەوتوو نەبوو، تاقی كراوە جارێكی تر تاقی ناكرێتەوە."

کەناڵی ناس کورد لە تێلیگرام جۆین بکە   

 

لە پەیامەكەدا كە "ناس كورد" بینیویەتی (15ی تشرینی یەكەمی 2021) سەدر حیزبی دەعوە بەوە تۆمەتبار دەكات كە هاوكاری "شەیتانی گەورە"ی كردووە كە ئاماژەیە بۆ ئەمەریكا.

 

هەروەها داوایان لێ دەكات بگەرێنەوە سەر ڕێبازی دامەزرێنەری یەكەمی حیزب كە ئایەتوڵڵا محەمەد باقر سەدرە و لە بنەماڵەی سەدرە و ئامۆژگاری ئەوەیان دەكات داننان بە هەڵە چاكە و پاداشتە.

 

هەروەها سەدر ڕوو لە مالیكی دەکات و دەڵێت، "باشترە فریای ئەوە بكەوێت بەفیڕۆی دا و بە دەستگرتن بە دەسەڵاتەوە قەرەبووی نەكاتەوە".
 

ئەم كاردانەوەی سەدر بەدوای لێدوانێكی مالیكیدا هات ئەمڕۆ كە باس لەوە دەكات دیموكراسی سەنگی مەحەك و بنەمای پرۆسەی هەڵبژاردنی عێراقە.