گه‌ڕان

Shadow Shadow
سیاسه‌تی

گەورە دانوستانکاری سەدرییەکان تەقاندییەوە؛ لەوانەیە سەرۆکوەزیرانی داهاتوو ژن بێت

2021.10.15 - 16:06
App store icon Play store icon Play store icon
گەورە دانوستانکاری سەدرییەکان تەقاندییەوە؛ لەوانەیە سەرۆکوەزیرانی داهاتوو ژن بێت

ناس کورد-

حەسەن عەزاری، گەورە دانوستانکاری ڕەوتی سەدر ڕایگەیاند، پۆستی سەرۆکوەزیران تەنها بۆ پیاوان دانەنراوە و هاشتاگی "ژنان_نیوەی-کۆمەڵگەن"ـی داناوە.

کەناڵی ناس کورد لە تێلیگرام جۆین بکە   

 

حەسەن عەزاری (15ی تشرینی یەکەمی 2021) لە فەیسبوکی خۆی هاشتاگی "ژنان_نیوەی-کۆمەڵگەن"ـی نوسیوە بەبێ هیچ ڕوونکردنەوە و زانیارییەک.

 

ئەمڕۆ دەستەی سیاسیی ڕەوتی سەدر بڵاوبوونەوەى لێدوانی ئەندامێکی تیمی دانوستانکاری ڕەوتەکە ڕەت دەکاتەوە کە وتبووی سەرۆکوەزیرانی داهاتووی عێراق دەبێت لە ڕەوتی سەدر بێت.  

  

ئەمڕۆ هەینی، 15ی تشرینی یەکەمی 2021، ئاژانسی فەرمی عێراقییە ڕایگەیاند، زاری نەسار ڕوبەیعی، سەرۆکى دەستەی سیاسیی ڕەوتی سەدر و ئەندامی لیژنەی دانوستانکاری ڕەوتەکە وتوویەتی "زۆر بە ڕاشکاوی ڕایدەگەیەنین کە کاندیدی سەرۆک وەزیران لە ڕەوتی سەدری دەبێت."  

  

هەرزوو دەستەی سیاسیی ڕەوتی سەدر لە ڕوونکردنەوەیەکدا ڕەتی کردەوە نەسار ڕوبەیعی هیچ لێدوانیکی دابێت و دەڵێت، "ئەوەى لە دەزگاکانی ڕاگەیاندن بڵاوبووەتەوە لەبارەى سروشتی حکومەتی داهاتوو ڕاست نییە، داوا لە دەزگاکانی ڕاگەیاند دەکەین پابەندی ڕێکارەکانی بڵاوکردنەوەى هەواڵ بێت و پشت بە سەرچاوەی فەرمی ببەستێت بە تایبەت لەم قۆناغە هەستیارەدا."  

  

دەشڵێت، "نەسار ڕوبەیعی هیچ لێدوانێکی بۆ دەزگاکانی ڕاگەیاندن نەداوە، سکاڵای یاسایی لەدژی ماڵپەڕە درۆزنەکان تۆمار دەکەین کە هەواڵی درۆ بڵاودەکەنەوە.  

  

زیاتر بخوێنەوە: سەدر شوناسی سەرۆك وەزیرانی داهاتووی یەكلایی كردەوە