گه‌ڕان

Shadow Shadow
سیاسه‌تی

زانیاریی زیاتر

ئەمریکا: کۆبوونەوەکانمان لەگەڵ تاڵیبان زۆر باش و ئەرێنی بوون

2021.10.13 - 09:40
App store icon Play store icon Play store icon
ئەمریکا: کۆبوونەوەکانمان لەگەڵ تاڵیبان زۆر باش و ئەرێنی بوون

ناس کورد-

نێد پرایس، وتەبێژی وەزارەتی دەرەوەی ئەمریکا ڕایگەیاند، دیدار و کۆبوونەوەکانی شاندی ئەمریکا لەگەڵ نوێنەرانی تاڵیبان لە دەوحەی پایتەختی قەتەر "زۆر باش، پیشەیی و ئەرێنی" بەڕێوەچوون.

کەناڵی ناس کورد لە تێلیگرام جۆین بکە   

 

وتەبێژی وەزارەتی دەرەوەی ئەمریکا کۆبوونەوەکانی بە "کۆبوونەوەکانی کار" ناوزەند کرد و باسی لەوە کرد کە شاندی ئەمریکا بەڕوونی باسی لەوە کردووە کە تاڵیبان تەنها بەگوێرەی هێرشەکانی هەڵدەسەنگێندرێت نەوەک قسەکانی.

 

نێد پرایس هەروەها باسی لەوە کرد، لە کۆبوونەوەکاندا ژمارەیەک بابەت تاوتوێ کراون لەوانە؛ هەڕەشەی تیرۆر لە ئەفغانستان، هاووڵاتییانی ئەمریکا، رێگەدان بە جێهێشتنی ئەو ئەفغانستانیانەی کە پشتگیری ئەمریکایان کردووە لەگەڵ هاووڵاتییانی بیانیی تا وڵاتەکە جێبهێڵن.

 

پرایس لە کاتێکدا باسی لەوە کرد کە لە کۆبوونەوەکەدا گەورە بەرپرسانی هەواڵگری ئەمریکا بەشداربوون، خۆی لەو پرسیارە دزییەوە کە لێی کرا سەبارەت بەوەی ئایا تاڵیبان لەگەڵ ئەمریکا هەماهەنگیی دەکات لەبارەی داعش-ویلایەتی خۆراسان یان نا.

 

وتیشی، ''لێرەدا بەرژەوەندی هاوبەش هەیە، داعش-ویلایەتی خۆراسان چەندە هەڕەشەیە بۆسەر ئەمریکا و هاوپەیمانانی، ئەوەندەش هەڕەشەیە بۆسەر تاڵیبان''.

 

لە ناوەڕاستی مانگی ئابی رابردوو، چەکدارانی بزووتنەوەی تاڵیبان هاوکات لەگەڵ دەست پێ کردنی قۆناغی کۆتایی کشانەوەی هێزەکانی ئەمریکا لە ئەفغانستان تەواوی خاکی ئەو وڵاتەیان کۆنترۆڵ کرد.