گه‌ڕان

Shadow Shadow
سیاسه‌تی

ڕاگەیەنراوێک لە خانەی ڕاپەڕاندنی گۆڕانەوە

2021.10.11 - 14:39
App store icon Play store icon Play store icon
ڕاگەیەنراوێک لە خانەی ڕاپەڕاندنی گۆڕانەوە

ناس کورد- 

خانەى راپەڕاندنى بزوتنەوەى گۆڕان ڕایگەیاند، ئەنجامە بەراییەکانی ھەڵبژاردنی پەرلەمانی عێراق دەریخست، کاندیدەکانی بزوتنەوەی گۆڕان دەنگی پێویستیان نەھێناوە و سەرنەکەوتوون، دەشڵێت، "داوای لێبوردن لە دەنگدەرانی بزوتنەوەی گۆڕان دەکەین و دان بەوەدا دەنێین کە ھەڵە و کەموکوڕی لە ئێمە هەبووە."

کەناڵی ناس کورد لە تێلیگرام جۆین بکە   

 

دەقى راگەیەنراوى خانەى راپەڕاندنى بزوتنەوەى گۆڕان:

 

ھاوڵاتیانی ھەرێمی کوردستان..

‎گۆڕانخوازان ..

 

‎ئەنجامە بەراییەکانی ھەڵبژاردنی ئەنجومەنی نوێنەرانی عێراق دەری خست؛ کاندیدەکانی بزوتنەوەی گۆڕان دەنگی پێویستیان نەھێناوە و سەرنەکەوتون.

 

‎لێرەوە، دوای سوپاس و پێزانینمان بۆ بانگەشەکاران و ھەڵسوڕاوانی دڵسۆز، داوای لێبوردن لە دەنگدەرانی بزوتنەوەی گۆڕان دەکەین و، دان بەوەدا دەنێین کە ھەڵە و کەموکوڕی لە ئێمە بوە کە سەرەڕای هەلومەرجە بابەتیەکان بۆیە متمانەی خەڵکمان بەدەستنەھێناوە.

 

‎بە راشکاوی دەڵێین کە پێویستمان بە گۆڕانکاری و بەخۆداچونەوەی ریشەیی بزوتنەوەکە و سیاسەتەکانی ھەیە، چونکە دەنگدەرانمان ھەڵوێستیان وەرگرتوە و زۆرینەیان بایکۆتی ھەڵبژاردنیان کردوە، وەکچۆن زۆرینەی ھاوڵاتیان ھەمان شتیان کردوە.

 

‎ئەم واقعە تاڵەش، پێویستی بە بڕیار و ھەڵگرتنی بەرپرسیارێتیە، ئێمە ئامادەین ئەو بەرپرسیارێتیە لەئەستۆ بگرین و، لە نزیکترین کاتدا گۆڕانکاری ریشەیی بکەین.

 

‎خانەی راپەراندن

١١ی١٠ی٢٠٢١