گه‌ڕان

Shadow Shadow
سیاسه‌تی

وردەکاریی

پسپۆرێکى یاسایی میکانیزمى تانەدان لە ئەنجامى هەڵبژاردن روندەکاتەوە

2021.10.10 - 23:31
App store icon Play store icon Play store icon
پسپۆرێکى یاسایی میکانیزمى تانەدان لە ئەنجامى هەڵبژاردن روندەکاتەوە

ناس کورد-

 

پسپۆڕێکى یاسایی رایگەیاند، دواى راگەیاندنى ئەنجامەکان لەماوەى سێ رۆژدا دەرگاى تانەدان لەئەنجامەکان دەکرێتەوە و دواتر بەسەر سێ جۆردا دابەشدەکرێن.

کەناڵی ناس کورد لە تێلیگرام جۆین بکە   

 

عەلى تەمیمى لەبەیاننامەیەکدا ئاماژەى بەوەکردووە، ئەو ئەنجامانەى کۆمسیۆن رایدەگەیەنێت نیمچە کۆتاییە و دەکرێت لەماوەى سێ رۆژدا تانەى لێبدرێت، لەحاڵەتى رەتکردنەوەى تانەکە دەکرێت پەنا ببرێت بۆ دەستەى دادوەرى کە بەپێی یاساى کۆمسیۆن لە سێ دادوەر پێکدەهێنرێت و بڕیارەکانى بنبڕە و لە ١٠ رۆژدا بڕیارەکانى یەکلایی دەکاتەوە.

 

رونیشیکردووەتەوە، سێ جۆر سکاڵا هەن، یەکەمیان سورە کە کاریگەرى لەسەر ئەنجامى دەنگدان دەبێت و بەڵگەى لەگەڵدایە، دووەمیان سەوزە کە کاریگەرى نابێت و بەڵگەى لەگەڵدا نییە، سێیەمیان زەردە کە بەهۆى نەبوونى هیچ پاڵپشتییەکى یاسایی و بابەتى راستەوخۆ رەتدەکرێتەوە.

 

تەمیمى دەڵێت، دواى یەکلاییکردنەوەى تانەکان ئەنجومەنى کۆمسیاران رەزامەندى لەسەر ئەنجامەکان دەدات و دەینێرێت بۆ دادگاى فیدراڵى.