گه‌ڕان

Shadow Shadow
سیاسه‌تی

کەشوهەوا

رێژە و بڕی بارانی پێشبینیکراوى یەکەم بارانى ئەمساڵ

2021.10.10 - 21:40
App store icon Play store icon Play store icon
رێژە و بڕی بارانی پێشبینیکراوى یەکەم بارانى ئەمساڵ

ناس کورد-

 

سەرچاوە کەشناسییەکان پێشبینیدەکەن لەم هەفتەیەدا یەکەم بارانى ئەمساڵ لەهەرێم ببارێت و زۆرترین بڕ لەدهۆک ببارێت.

کەناڵی ناس کورد لە تێلیگرام جۆین بکە   

 

بەپێی بڵاوکراوەیەکى کەشوهەواى کوردستان، یەکەم بارانى ئەمساڵ لە سێ رۆژی ئایندە و رۆژی چوارشەمەدا ١٣-١٠-٢٠٢١ دەستپێدەکات، لە سنوری پارێزگای دھۆک زۆرترین کاریگەری ئەبێت لەنێوان ١ تا ٢ ملیمەتر لەناوچە نزمەکاندا ئەگەری بارانبارین ئەبێت لەناوچە شاخاوییەکانی پارێزگادا ئەگەری بارانبارینی بەخوڕ و چالاکبوونی ھەورە تریشقە ئەبێت لەنێوان ٣ تا ٥ ملیمەتر زیاتر .

 

بەپێی پێشبینییەکە، لەسنوری پارێزگای ھەولێر کاریگەری کەمتر ئەبێت لەسەنتەری پارێزگا و ناوچە نزمەکاندا ئەگەری بارانبارینی کەم ئەبێت لەنێوان ٠.٣ تا ٠.٧ ملیمەتر لەناوچە شاخاوییەکانی پارێزگاکەدا لە نێوان ١ تا ٢ ملیمەتر.

 

لەسنوری پارێزگاکانی سلێمانی و ھەڵەبجە و کەرکوک وە ناوچەکانی سنوری ئیدارەی گەرمیان و راپەرین بە گشتی کاریگەری ئەم شەپۆلە تا ئەم کاتە و وەرگرتنی دواین نوێبوونەوەکان لاواز دەردەکەوێت بۆیە زیاتر لەم ناوچانەدا پێشبینی نمە باران ئەکرێت، ئەوەش بەپێی پێشبینییەکە.