گه‌ڕان

Shadow Shadow
سیاسه‌تی

زانیاریی زیاتر

ڕێبوار عەلی شامار: لە 17ی شوبات هەزار ئیشی قۆڕم کردووە

2021.10.10 - 15:08
App store icon Play store icon Play store icon
ڕێبوار عەلی شامار: لە 17ی شوبات هەزار ئیشی قۆڕم کردووە

ناس کورد-

 

ڕێبوار عەلی شامار، کە یەکێکە لە فەرماندە سەربازییەکانی لیوای یەکی سکرتارییەتی پێشووی یەکێتی و ئێستا لەگەڵ لاهوری شێخ جەنگییە و شەوی ڕابردوو لەلایەن هێزێکەوە ڕفێندرا، دەڵێت، بە فشاری هادی عامری ئازاد کراوە.

کەناڵی ناس کورد لە تێلیگرام جۆین بکە   

 

ڕێبوار عەلی شامار (یەکشەممە 10ی تشرینی یەکەمی 2021) لە کۆنفرانسێکی ڕۆژنامەوانیدا ڕایگەیاند، "ئێوارەی دوێنێ هێزێکی سەربە دوو بەرپرسی باڵای یەکێتی هەڵیانکوتایە سەرم و بە زەبری چەک و لێدوان ڕفاندمیان." 

 

وتیشی، "دوای ئەوەی بردمیان بۆ شوێنێکی نادیار و بەشێوەیەکی زۆر دڕندانە ئەشکەنجە درام و سەرم بە 16 تەقەڵ دووراوەتەوە." 

 

ڕێبوار عەلی شامار ئەوەشی خستەڕوو، " لە 17 شوبات هەزار ئیشی قۆڕم کردووە، ئەوەش وەفاکەیان بوو بۆ من و ئاوا پاداشتیان داماوە." 

 

ئاماژەی بەوەشکردووە، "دواتر لەژێر فشاری هادی عامریدا ئازادکرام و ئەو تەلەفۆنی بۆ قوباد تاڵەبانی كرد و وتی دەبێت ئازادی بکەن." 

 

هەروەها وتیشی " سەرم 16 تەقەڵی پێوەیە و لوتیان شکاندووم، ئەوانەشی لێیانداوم، هەموویان هاوڕێمن و لەسکرتارییەت بەیەکەوە بوین". 

 

تا ئێستا بەفەرمی هیچ لەسەر گرتنی رێبوار عەلی شامار ئاشكرا بڵاو نەكراوەتەوە، ناوبراو بەم دواییانە وەك بەرپرسی چەكدارەكانی ماڵی لاهور شێخ جەنگی هاوسەرۆكی یەكێتی دەركەوتووە. لە كۆنگرە رۆژنامەوانییەكەشدا هاوژینەكەی ئاماژەی بەوەكرد رێبوار تۆمەتباركراوە بە پاڵ نان بە هاوژینی بەرپرسێكی باڵاوە بەڵام لە راستیدا وەها نییە.