گه‌ڕان

Shadow Shadow
سیاسه‌تی

یەکێتی لە کەرکوک: قوربانتان بم بچن دەنگ بدەن

2021.10.10 - 14:05
App store icon Play store icon Play store icon
یەکێتی لە کەرکوک: قوربانتان بم بچن دەنگ بدەن

ناس کورد-

خالید شوانی، ئەندامی سەرکردایەتی یەکێتی نیشتمانی کوردستان داوا لە خەڵکی کەرکوک دەکات بچنە سەر سندوقەکانی دەنگدان و دەنگ بدەن "چونکە دواتر هیچ شتێک دادمان نادات."

کەناڵی ناس کورد لە تێلیگرام جۆین بکە   

 

خالید شوانی کە هاوکات وەزیری هەرێمە بۆ کاروباری دانوستان لەگەڵ حکومەتی فیدراڵی لە کۆنگرەیەکی هاوبەشدا لەگەڵ ڕێبوار تەها، پەرلەمانتاری کەرکوکی یەکێتی وتی، کەرکوک دۆزی هەموو کوردە و داوا لە هەموو هاوڵاتییان دەکەین دەنگ بدەن و ئاماژەی بەوەشکرد کە "ئەگەر ئەم سێ چوار کاتژمێرە قۆڵی مەردایەتی لێ هەڵنەکەن لە بازنەی یەکی کەرکوک کورسییەک لەدەستدەدەین."

 

راشیگەیاند، "کەرکوک دۆزی هەموو کوردە و داوا و ئێمە بە پرۆشی پێکەوەژیانی پێکهاتەکانی کەرکوکین، بۆ ئەوەی ناسنامەی نەتەوەیی کەرکوک لەدەست نەدەین، بۆیە گرنگە دەنگ بدەن".

 

باسی لەوەشکرد "مەرامیان بەدەستهێنانی دەنگ نییە هێندەی ئەوەی مەرامیان بنەبڕکردنی کوردە لە کەرکوک، تکایە کەرکوکییە بەڕێزەکان ئەم چەند کاتژمێرە ماوە و ئەگەر سەرکەوتووبین داهاتووی خۆمان و نەوەکانمان دەپارێزین".

 

ئەوەشی خستەڕوو "بەڕێزان دەزانین چەندە رەخنە و گلەییتان هەیە، بەڵام دەبێت بەشدار بن و سەرکەوتن بەدەست بهێنن و قۆڵی مەردایەتی لێ هەڵماڵین و سەرکەوتن بەدەستبهێنن، بۆیە ئەگەر ئەم سێ چوار کاتژمێرە قۆڵی مەردایەتی لێ هەڵنەکەن لە بازنەی یەکی کەرکوک کورسییەک لەدەستدەدەین".