گه‌ڕان

Shadow Shadow
سیاسه‌تی

زانیارى زیاتر

’’تەواوبووە’’.. دوا پەیامی بافڵ تاڵەبانی بۆ لاهور جەنگی

2021.10.06 - 22:41
App store icon Play store icon Play store icon
’’تەواوبووە’’.. دوا پەیامی بافڵ تاڵەبانی بۆ لاهور جەنگی

ناس کورد-

 

میدیاى بافڵ تاڵەبانى بڵاویکردەوە، لاهور جەنگى "تەواو بووە"، ئەوەش لە وەڵامى بەشدارى لاهور جەنگى لە مەراسیمێکدا لەکەلار.

کەناڵی ناس کورد لە تێلیگرام جۆین بکە   

 

میدیای بافڵ تاڵەبانی لە گرتەیەکى ڤیدیۆییدا بانگەشەی ئەوە دەكات مەراسیمەكەی كەلار بە لاهور شێخ جەنگی چۆڵكراوە بەبێ ئەوەی  بهێڵن وتارێك پێشكەش بكات.

 

ئەوە لەکاتێکدایە لاهور جەنگى رۆژى سێشەممە رایگەیاندبوو، لە شاری کەلار، بەشداری کردووە "لە مەراسیمێکی تایبەت بە ساڵڕۆژی کۆچی دوایی ڕابەری گەورەی گەلەکەمان و مامی گەورەم سەرۆک مام جەلال.سوپاس و پێزانین بۆ ڕێکخەرانی مەراسیمەکە و ئەو میوانداری و پێشوازییە گەرمەی جەماوەری گەرمیان کە لێیانکردین".

 

هەروەها میدیاى سەر بە لاهور جەنگى بانگەشەى ئەوەیکردبوو "لەو مەراسیمەدا کە ژمارەیەکی زۆر لە سەرۆک عەشیرەت و کەسایەتیی هۆزی جاف و ئەندام و کادرو لایەنگرانی یەکێتیی نیشتمانیی کوردستان و جەماوەری گەرمیان بەشدارییان تێدا کرد، ئامادەبووان پێشوازییەکی بەرچاویان لە هاوسەرۆک لاهور شێخ جەنگی کرد".