گه‌ڕان

Shadow Shadow
سیاسه‌تی

هۆکارەکەى

فڕۆکەخانەی سلێمانی 24 گەشتیاری خەڵکی هەرێمی کوردستانی دەستگیرکرد

2021.10.06 - 14:11
App store icon Play store icon Play store icon
فڕۆکەخانەی سلێمانی 24 گەشتیاری خەڵکی هەرێمی کوردستانی دەستگیرکرد

ناس کورد-

فڕۆکەخانەی سلێمانی ڕایگەیاند، دوێنێ 24 گەشتیاریان دەستگیرکردووە کە بەنیازبوون "بە جۆرێک لە بەڵگەنامە کە فەرمی نەبووە" گەشتی وڵاتی هۆڵەندا بکەن و بەڕێوەبەری فڕۆکەخانەکەش دەڵێت "سەرجەمیان خەڵکی هەرێمی کوردستانن."

کەناڵی ناس کورد لە تێلیگرام جۆین بکە   

 

فڕۆکەخانەى نێودەوڵەتى سلێمانى لە ڕوونکردنەوەیەکدا (6ی تشرینی یەکەمی 2021) دەڵێت، دوێنێ سێشەممە بنکەی نیشینگەى فڕۆکەخانە "بەھۆی شارەزایی و لێھاتوویی ئەفسەر و کارمەندەکانیان وبە هاوکارى ئاسایشی فڕۆکەخانە، لە ‏ڕۆژى 5ی تشرینی یەکەمی 2021 لە گەشتى (سلێمانی- دوسلدۆف) توانیان ڕێگرى بکەن لە ‏هەوڵێکى ساختەکارى گروپێکى گەشتیاران کە ژمارەیان (24) گەشتیار بوو."

 

دەشڵێت، ئەوان "بە ‏نیاز بوون گەشتى دەرەوەى وڵات بکەن، بەڵام دوای ووردبینی لە دۆکیومینت ‏و بەڵگەکانیان دەرکەوت هەڵگرى جۆرێک لە دۆکیومینتن کە هیچ بەڵگەیەکى ‏فەرمی نەبووە بۆ سەفەرکردن بۆ دەرەوەى وڵات، گروپەکە گواستراونەتەوە ‏بۆ بنکەى پۆلیسى فڕۆکەخانە و لە ئێستادا لە قۆناغی لێکۆڵینەوەدان و ‏چاوەڕوانی بڕیاری کۆتایی لای دادگا دەبێت.‏"


ڕاگەیەنراوەکە سوپاسی بەرپرس و ئەفسەر و کارمەندانى بنکەى ‏نیشینگەى فڕۆکەخانە و تیمەکانى ئاسایشی کردووە "لە جێبەجێ کردنى ‏ڕێکار و ڕێنماییەکانى گەشتکردن وڕێگە نەدان بە دزەکردنى هیچ کەس و ‏گروپ و گەشتیارێک کە بیانەوێت بە شێوەى نایاسایی فڕۆکەخانەمان بەکار ‏بهێنن بۆ گەشتکردن.‏"

 

هاوکات تاهیر عەبدوڵا، بەڕێوەبەری فڕۆکەخانەی نێودەوڵەتی سلێمانی تایبەت بە "ناس کورد" وت، "سەرجەم ئەو کەسانە خەڵکی هەرێمی کوردستانن و ئێستا لە بنکەی پۆلیسی فڕۆکەخانەن بۆ لێکۆڵینەوە."

 

ناوبراو ڕەتی کردەوە زانیاریی زیاتر لەبارەى جۆری بەڵگەنامەکان بدات کە ئەو گەشتیارانە پێیان بووە.