گه‌ڕان

Shadow Shadow
سیاسه‌تی

وردەکاریی

ترەمپ دەیەوێت تویتەر ناچار بکات: رێگە بە تاڵیبان دەدەن بەڵام من قەدەغە دەکەن

2021.10.05 - 22:32
App store icon Play store icon Play store icon
ترەمپ دەیەوێت تویتەر ناچار بکات: رێگە بە تاڵیبان دەدەن بەڵام من قەدەغە دەکەن

ناس کورد-

 

دۆناڵد ترەمپ، سەرۆکی پێشووی ئەمەریکا  داوای لە دادوەرێکی فیدڕاڵی لە ویلایەتی فلۆریدا کردووە کە تویتەر ناچار بکات هەژمارەکەی بگەڕێنێتەوە.

کەناڵی ناس کورد لە تێلیگرام جۆین بکە   

 

هەژماری تۆڕە کۆمەڵایەتییەکانی دۆناڵد ترامپ لە تویتەر، فەیسبووک و یوتیوب پاش ئەوەی لە 6ی مانگی یەکدا گروپێک لە لایەنگرانی سەرۆکی پێشوو، هێرشیان کردە سەر کۆنگریسی ئەمەریکا، ڕاگیران و تۆڕەکان وتیان ئەوان ئەو بڕیارەیانداوە بە هۆی نیگەرانیەکانیان لەبارەى هاندانی توندوتیژی زیاتر.

 

ترەمپ لە سکاڵاکەی دادگادا مشتومڕی ئەوەی کردووە کە تۆڕی کۆمەڵایەتی تویتەر ڕێگە بە تاڵیبان دەدات بە بەردەوامی لە سەر سەرکەوتنە سەربازییەکانی لە سەرانسەری ئەفغانستاندا تویت بکەن، بەڵام لە ماوەی سەرۆکایەتیەکەی ئەودا لە سەر تویتەکانی ئەو ناونیشانی 'زانیاری چەواشەکاری' داناوە و تویتەکانی ئەوی بە هۆی ستایشی توندوتیژی لە دژی یاساکانی خۆی زانیوە، ئەوەش بەپێی دەنگى ئەمەریکا.

 

بە پێی بڕگەی 230ی 'یاسای هەڵسوکەوتی تەندروست لە پەیوەندیەکاندا'، تۆڕە کۆمەڵایەتیەکان ڕێگەپێدراون ئەو پۆست و ناوەڕۆکەکانە بسڕنەوە کە نەگونجاو بێت یان پێوەرەکانیان پێشێل بکات. بەڵام ترەمپ و ژمارەیەک لە سیاسەتمەدارانی دیکە پێیان وایە تویتەر و فەیسبووک یاساکە خراپ بەکاردەهێنن و و دەڵێن دەبێت پارێزبەندی یاسایی ئەو تۆڕانە پوچەڵ بکرێتەوە یان پاش جێبەجێ کردنی پێشمەرجەکانی حکومەت ئەو مافە بەدەست بهێنن.

 

ترەمپ پێش ئەوەی هەژمارەکەی لە تویتەر دابخرێت، زیاتر لە 88 ملیۆن فۆلۆوەرى هەبوو لەو تۆڕەدا.