گه‌ڕان

Shadow Shadow
سیاسه‌تی

زانیارى زیاتر

’’پێنج هێندە’’..لەکارکەوتن و کێشەى نوێ لە فەیسبوک و ئینستاگرام 

2021.10.05 - 21:04
App store icon Play store icon Play store icon
’’پێنج هێندە’’..لەکارکەوتن و کێشەى نوێ لە فەیسبوک و ئینستاگرام 

ناس کورد-

 

پێگەیەکى بوارى خزمەتگوزاریی ئەلیکترۆنى ئاشکرایکرد، چەندین ئاگادارکردنەوەى نوێ لەبارەى لەکارکەوتنى فەیسبوکەوە تۆمارکراون، دواى ئەوەى ئەو تۆڕە کۆمەڵایەتییە ئێوارەى دووشەممە بۆ ماوەى نزیکەى شەش کاتژمێر لەکارکەوت.

کەناڵی ناس کورد لە تێلیگرام جۆین بکە   

 

پێگەى "Downdetector" ئەمڕۆ سێشەممە بڵاویکردەوە، ژمارەى ئەو ئاگاداریی و سکاڵایانەى لەبارەى بوونى کێشە لە فەیسبوک تۆمارکراون بەرێژەى پێنج هێندە زیادیکردووە بەراورد بەکاتى سەرلەبەیانى.

 

ئاماژە بەوەشکراوە، زۆربەى سکاڵا و ئاگادارییەکان لە ئەمریکا بوون، پاشان روسیا و بەریتانیا و فەرەنسا و ئەڵمانیا و هۆڵەندا.

 

هەر بەپێی پێگەکە، کێشە لە ئینستاگرامیش دروستبووە کە سەر بە فەیسبوکە، نزیکەى نیوەى سکاڵاکان پەیوەندیدارن بەو تۆڕەوە.

 

ڕۆژی دووشەممە 4ی تشرینی یەکەمی 2021، لە زۆرێک لە وڵاتانی جیهان بۆماوەی نزیکەی شەش کاتژمێر هەریەک لە ئەپەکانی (فەیسبوک، ئینستاگرام و وەتسئەپ) لە کارکەوتن.     

 

مایک شرۆپفێر، بەڕێوەبەری جێبەجێکار لە کۆمپانیای فەیسبوک ڕایگەیاند، "لێبوردنێکی زۆر ڕاستگۆیانە بۆ هەموو ئەوانەی کارگەربوون بە وەستانی فەیسبوک، ئێمە کێشەمان هەیە لە تۆڕەکاندا و تیمەکانمان زۆر بە خێرایی کار دەکەن بۆئەوەى بەزووترین کات چارەسەری کێشەکان بکەن و بیگەڕێننەوە."