گه‌ڕان

Shadow Shadow
سیاسه‌تی

وێنە و زانیاری

عەبدوللەتیف ئەحمەد: گفتوگۆیەکی خۆشمان کرد لەگەڵ بافڵ تاڵەبانی

2021.10.05 - 17:28
App store icon Play store icon Play store icon
عەبدوللەتیف ئەحمەد: گفتوگۆیەکی خۆشمان کرد لەگەڵ بافڵ تاڵەبانی

ناس کورد-

د. عەبدوللـەتیف ئەحمەد لەبارەى دانیشتنەکە لەگەڵ بافڵ تاڵەبانی، هاوسەرۆکی یەکێتی نوسیویەتی، "دانيشتن و گفتوگۆیەکی خۆش و بەسود".

کەناڵی ناس کورد لە تێلیگرام جۆین بکە   

 

ئەمڕۆ سێشەممە، 5ی تشرینی یەکەمی 2021، بافڵ تاڵەبانی، ھاوسەرۆکی یەکێتیی نیشتمانیی کوردستان لە دەباشان پێشوازیکرد لە د. عەبدولـلەتیف ئەحمەد.

 

عەبدوللـەتیف ئەحمەد لە فەیسبوکی خۆی وێنە و ڕاگەیەنراوی کۆبوونەوەکەى بڵاوکردووەتەوە و نوسیویەتی، "دانيشتن و گفتوگۆیەکی خۆش و بەسود لەگەڵ بەڕێز کاک باڤڵ تاڵەبانی، خوا بيكاته مايەی خێر بۆ دین و ژینی ناوچەکەمان".

 

لە نامەیەکدا کە خۆی بڵاویکردووەتەوە نوسیویەتی، "نەهاتووم داوای ماڵ و سامان و پلە و پۆستت لێ بکەم، وە نەهاتووم باسی سیاسەت و هەڵبژاردن بکەم، بەڵکو وەک مامۆستایەکی ئاینی میانڕەو بە ئەرکی سەرشانمم زانی چەند ئامۆژگارییەکی دڵسۆزانە پێشکەش بکەم کە سودی هەیە بۆ دونیا و دواڕۆشتان."

May be an image of text

بەپێی ڕاگەیەنراوی کۆبوونەوەکە، "لە دیدارەکەدا گفتوگۆکرا دەربارەی بەھێزکردنی گیانی پێکەوەژیان و لێکتێگەیشتن و چارەسەرکردنی کێشە و گرفتەکان لە رێگای دیالۆگی بونیادنەرانە و برەودان بە کاری چاکەکاری."

 

دەشڵێت، "ھەر لە دیدارەکەدا بافڵ تاڵەبانی بە گرنگییەوە ئاماژەی بە رۆڵی چاکەخوازانەی مامۆستایان و زانایانی ئایینی کرد لە کۆمەڵگەی کوردەواری لە بەھێزکردنی کەلتوری پێکەوەژیان و رێزگرتن لە بەھا پیرۆز و نەتەوەییەکان."


روونیشیکردەوە "یەکێتی بە چاوێکی رێزەوە دەڕوانێتە پێگەی رەوتی سەلەفییەکان لە ھەرێمی کوردستان، نرخاندنی ھەیە بۆ بیری میانڕەوییان کە لە رابردوودا رۆڵی گرنگیان بینیوە لە قوڵکردنەوەی گیانی پێکەوەژیان لەنێوان ھەموو نەتەوە و پێکھاتە و ئاینزاکان و پاراستنی ئاسایش و ئاشتی کۆمەڵایەتی، ھەوڵەکانیشیانی بۆ رووبەڕووبوونەوەی بیری توندڕەویی بە گرنگ وەسفکرد و داوایکرد ھەموو لایەک ھاوکار و پشتیوان بن بۆ برەودان بە گیانی تەبایی و لێبوردەیی و زیاتر خزمەتکردنی خەڵک."

May be an image of 2 people, people sitting and indoorMay be an image of 2 people, people sitting, suit and indoorMay be an image of 4 people, beard, people sitting and indoor