گه‌ڕان

Shadow Shadow
سیاسه‌تی

بەپەلە

وادەى وەرگرتنەوەى کارتى دەنگدان درێژکرایەوە

2021.10.05 - 17:10
App store icon Play store icon Play store icon
وادەى وەرگرتنەوەى کارتى دەنگدان درێژکرایەوە

ناس کورد-

کۆمسیۆنى باڵاى سەربەخۆى هەڵبژاردنەکان بۆ ماوەى چەند کاتژمێرێک وادەى وەرگرتنەوەى کارتى بایۆمەترى دەنگدانى درێژکردەوە.

کەناڵی ناس کورد لە تێلیگرام جۆین بکە   

 

ئۆفیسى هەولێرى کۆمسیۆنى هەڵبژاردنەکان لەبڵاوکراوەیەکدا ئەمڕۆ سێشەممە رایگەیاند، کاتى دابەشکردنى کارتى دەنگدان تا کاتژمێر ١٠ى ئەمشەو درێژکراوەتەوە.

 

پێشتر جومانە غەلای، وتەبێژی کۆمسیۆن لە ئاگادارینامەیەکدا (5ی تشرینی یەکەمی 2021) ئاماژەى بەوەکردبوو "کۆتا وادەیەی نوێکردنی زانیاریی دەنگدەران ئەمڕۆیە" و داوا لە گشت دەنگدەران دەکات "سەردانی نزیکترین ناوەندی تۆمار بکەن بۆ وەرگرتنەوەى کارتی بایۆمەتری."  

  

باسی لەوەشکردووە، "ئەو دەنگدەرەی کە کارتی کورتخایەنی هەیە و لە شوباتی ڕابردووەوە تاوەکو 15ی نیسان داتاکانی نوێ کردووەتەوە پێویستە کارتی نوێی بایۆمەتری وەربگرێتەوە، چونکە کارتە کورتخایەنەکەى لەکارکەوتووە و ناتوانێت دەنگی پێ بدات."  

  

هاوکات عیماد جەمیل موحسین، ئەندامی ڕاگەیاندنی کۆمسیۆن بە ئاژانسی عێراقییەی وتووە، "حەوت کاندید بەهۆی سەرپێچییەکانەوە دورخراونەتەوە لە کێبرکێی هەڵبژاردن، یەکێکیان لە دادگا تانەی لێداوە و گەڕاوەتەوە ناو کێبرکێکە."  

  

ئاماژەی بەوەشکردووە، "هەموو ئەوانەی لە دەنگدانی تایبەت دەنگ دەدەن بە هیچ شێوەیەک ناتوانن لە دەنگدانی گشتی بەشدار بن."