گه‌ڕان

Shadow Shadow
سیاسه‌تی

کۆمسیۆن کاتی دەستپێکردن و کۆتاییهاتنی دەنگدانی ئاشکرا کرد

2021.10.05 - 15:54
App store icon Play store icon Play store icon
کۆمسیۆن کاتی دەستپێکردن و کۆتاییهاتنی دەنگدانی ئاشکرا کرد

ناس کورد-

کۆمسیۆنی باڵای سەربەخۆی هەڵبژاردنەکانی عێراق ڕایگەیاند، ڕۆژی یەکشەممەی داهاتوو کاتژمێری حەوتی بەیانی دەنگدان دەستپێدەکات و کاتژمێری شەشی ئێوارە کۆتایی دێت.

کەناڵی ناس کورد لە تێلیگرام جۆین بکە   

 

هاوکات جومانە غەلای، وتەبێژی کۆمسیۆن لە ئاگادارینامەیەکدا (5ی تشرینی یەکەمی 2021) دەڵێت، "کۆتا وادەیەی نوێکردنی زانیاریی دەنگدەران ئەمڕۆیە" و داوا لە گشت دەنگدەران دەکات "سەردانی نزیکترین ناوەندی تۆمار بکەن بۆ وەرگرتنەوەى کارتی بایۆمەتری."

 

باسی لەوەشکردووە، "ئەو دەنگدەرەی کە کارتی کورتخایەنی هەیە و لە شوباتی ڕابردووەوە تاوەکو 15ی نیسان داتاکانی نوێ کردووەتەوە پێویستە کارتی نوێی بایۆمەتری وەربگرێتەوە، چونکە کارتە کورتخایەنەکەى لەکارکەوتووە و ناتوانێت دەنگی پێ بدات."

 

هاوکات عیماد جەمیل موحسین، ئەندامی ڕاگەیاندنی کۆمسیۆن بە ئاژانسی عێراقییەی وتووە، "حەوت کاندید بەهۆی سەرپێچییەکانەوە دورخراونەتەوە لە کێبرکێی هەڵبژاردن، یەکێکیان لە دادگا تانەی لێداوە و گەڕاوەتەوە ناو کێبرکێکە."

 

ئاماژەی بەوەشکردووە، "هەموو ئەوانەی لە دەنگدانی تایبەت دەنگ دەدەن بە هیچ شێوەیەک ناتوانن لە دەنگدانی گشتی بەشدار بن."