گه‌ڕان

Shadow Shadow
سیاسه‌تی

لەهەولێر ناحیەیەک دەکرێتە قەزا

2021.10.04 - 10:58
App store icon Play store icon Play store icon
لەهەولێر ناحیەیەک دەکرێتە قەزا

ناس کورد-

 

سەرۆکى حکومەتى هەرێمى کوردستان بڕیاریدا ناحیەى عەنکاوە لەهەولێر بکرێتە قەزا.

کەناڵی ناس کورد لە تێلیگرام جۆین بکە   

 

مەسرور بارزانى ئەمڕۆ دووشەممە لەسەردانێکدا بۆ ناحیەى عەنکاوە لە کۆنفرانسێکى رۆژنامەنوسیدا رایگەیاند "شارۆچکەی عەنکاوە بووەتە ناوەندێکی گرنگ بۆ پێکەوەژیانی ئایینی و کۆمەڵایەتی و شوێنی ئاشتەوایی".

 

وتیشى "شارۆچکەی عەنکاوە یەکێکە لەو شارۆچکانەی کە دەبینین رۆژ بە رۆژ پێشڤەچوونێکی زیاتر بەخۆیەوە دەبینێت و گەورەتر دەبێت، وەزیرى ناوخۆ و پارێزگار و ئەنجومەنی پارێزگای هەولێر رادەسپێرین، بۆ ئەوەی ناحیەی عەنکاوە بکرێت بە قەزا، تا بتوانرێ خزمەتێکی زیاتری دانیشتوانی بکرێت".

 

ناحیەی عەنکاوە سەر بە قەزای ناوەندی ھەولێرە، کەوتووەتە باکووری ڕۆژئاوای شاری ھەولێر.  زۆربەی دانیشتوانی لە پەیڕەوانی کلد و ئاشووریین لەپەیڕەوانی کڵێسای کاسۆلیکین.بەیەکێک لە شوێنە ھەرە کۆنەکانی جیھانیش دادەنرێت.