گه‌ڕان

Shadow Shadow
سیاسه‌تی

قائیمقامی سلێمانی لەبارەی ڕووداوەکەی بەختیاری ڕوونکردنەوە دەدات

2021.10.03 - 16:50
App store icon Play store icon Play store icon
قائیمقامی سلێمانی لەبارەی ڕووداوەکەی بەختیاری ڕوونکردنەوە دەدات

ناس کورد- 

لەبارەی ڕووداوەكەی شەقامی بەختیاری کە چەند چەکدارێک لە گەنجێک دەدەن، قائیمقامی سلێمانی ڕایگەیاند، لەلایەن هێزەکانی پۆلیس و ئاسایشەوە بەدواداچوونی پێویستی لەبارەوە دەکرێت و هیچ کەسێک لە دەست یاسا ڕزگاری نابێت.

کەناڵی ناس کورد لە تێلیگرام جۆین بکە   

 

ئاوات محەمەد، قائیمقامی سلێمانی لە کۆنفرانسێکی ڕۆژنامەوانیدا (یەکشەممە 3ی تشرینی یەکەمی 2021) ڕایگەیاند، " هێزەکانی پۆلیس و ئاسایش بەدواداچوونی پێویست دەکەن بۆ ئەو ڕووداوەی گەڕەکی بەختیاری و بۆ هەموو ئەو جۆرە کەیسانە." 

 

وتیشی، "بەدڵنیاییەوە ڕێوشوێنی یاسایی بەرامبەر هەموو ئەو کەسانە دەگیرێتەبەر و هیچ کەسێکیش لەسەرووی یاساوە نییە، ڕێوشوێنی تەواو لەگەڵ ئەو کەسانەشدا دەگیرێتەبەر كە کارێک دەکەن دژی بەرژەوەندیی تاک و کۆمەڵ."

 

هاوکات لەبارەی كێشەكانی تووە سپی ئاوات محەمەد، باسی لەوەکرد، "چاوەڕێیی وەزارەتی شارەوانین تاوەكو شارەوانیی تووە سپی بنیاتبنرێت و نەخشەیەكی نوێ بۆ ئەو ناوچەیە دابنرێت، بۆ ئەوەی بتوانین شارۆچکەیەک لەو ناوچەیە بنیات بنێین."