گه‌ڕان

Shadow Shadow
سیاسه‌تی

ئامار و وردەکاریی

پارێزگای سلێمانی: تەنها 16%ی دانیشتوانی پارێزگاکە کرێچین

2021.10.03 - 12:26
App store icon Play store icon Play store icon
پارێزگای سلێمانی: تەنها 16%ی دانیشتوانی پارێزگاکە کرێچین

ناس کورد-

بەپێی ئامارێک کە پارێزگای سلێمانی بڵاویکردووەتەوە، لە ساڵی 1991دا ڕێژەی کرێچی لە پارێزگاکە 56% بووە، بەڵام لە ساڵی 2021دا کەمبووەتەوە بۆ 16%، واتە لەئێستادا 74.2%ی خەڵکی خاوەنی خانووی خۆیانن.

کەناڵی ناس کورد لە تێلیگرام جۆین بکە   

 

پارێزگای سلێمانی بە هەماهەنگیی لەگەڵ بەڕێوەبەرایەتی ئاماری سلێمانی و فەرمانگا پەیوەندیدارەکان بە پشتبەستن بە ئامارو کێوماڵە بەردەوامەکانی نەتەوە یەکگرتووەکان و وەزارەتەکانی پلاندانان لە حکومەتی ئیتحادیی و حکومەتی هەرێمی کوردستاندا، لێکۆڵینەوەیەکی ئاماریی بەراوردکاریی لەنێوان ساڵانی (1991 بۆ 2021)، واتە ماوەی (30) ساڵی ڕابردوودا کردووەو تەواوی سێکتەرە جیاجیاکانی تێدا ئاماژە پێکراوە.

 

پارێزگای سلێمانی لەڕووی دانیشتوان و خێزان و کاروباری کۆمەڵایەتی:

تێكڕای خەرجی مانگێکی خێزان (١,١٢٣,٠٠٠) دینار، و تێكڕای خەرجی مانگێکی تاكەکەس (٢٣٤,٠٠٠) دینار، و تێكڕای داهاتی مانگێکی خێزان (٨٤٢,٤٠٠) دینار، و تێكڕای داهاتی مانگێکی تاكەکەس (١٨٧,٢٠٠) دینارە


ژمارەی ڕەگەزی مێ بەرامبەر (١٠٠) ڕەگەزی نێر (١٠٢,٨) مێیە.


تاوانی گەورە و مامناوەند و بچوك (٣٥٠٩٣)، بەندكراوان لە نەوجەوان و پیاو و ژنان (١٢٩٦) بەندکراو.


ژمارەی كوڕان لە خانەی نەوجەوانان (١٧)، ژمارەی كچان لە خانەی نەوجەوانان (٩).


ژمارەی خێزانەکان بەپێی خەمڵاندنی بەڕێوەبەرایەتی ئاماری سلێمانی (٢٠٢١)، لە (١٩٩١) ١٤٩,١٢٤ خێزان و لە (٢٠٢١) ٥٧٨,٦٧٣ خێزانە.


ژمارەی دانیشتوان بەپێی خەمڵاندنی بەڕێوەبەرایەتیی ئاماری سلێمانی (٢٠٢١)، لە (١٩٩١) ٩٥١,٧٢٣ کەس و لە (٢٠٢١) ٢,٥٤٦,١٦٢ کەسە.


قەبارەی خێزان/ ژمارەی كەسەکان لە خێزانێکدا، لە (١٩٩١) ٩,٨ کەس و لە (٢٠٢١) ٤,٤ کەسە.


ڕێژەی ئەوانەی بەخێو دەكرێن لە (٢٠٢١): ٣٩٪
هاوسەرگیریی لە (٢٠٢١): ١٣,٨٣٦
جیابوونەوە (تەڵاق) لە (٢٠٢١): ٤,٠٨٥
خاوەن خانوو: لە (١٩٩١) ٤٦٪ و لە (٢٠٢١) ٧٤,٢٪
كرێچی: لە (١٩٩١) ٥٦٪ و لە (٢٠٢١) ١٦٪


سوودمەند لە مووچەی چاودێری خێزان: لە (١٩٩١) ژمارەیەكی كەم و لە (٢٠٢١) ٢٦,٩٨١


سوودمەند لە مووچەی كەمئەندامان: لە (١٩٩١) ژمارەیەكی كەم و لە (٢٠٢١) ١٨,١٣٧


گەشەی دانیشتووانی ساڵانە لە (٢٠٢١): ٢,٤٪


چڕیی دانیشتوان (ژمارەی كەس لە یەک كیلۆمەتر دووجادا) لە (٢٠٢١): ١٠٨

 

No photo description available.No photo description available.No photo description available.No photo description available.

هەڤاڵ ئەبوبەکر، پارێزگاری سلێمانی ڕایگەیاند، "مەبەست لەم ئامارانە خستنەڕووی ئاستی خزمەتگوزاریی و پڕۆژەو دەرفەتی کارکردن و باروگوزەرانی هاووڵاتیان و سەرمایەگوزاریی و وەبەرهێنان و گەشەکردنی جۆریی و چەندیی پارێزگاکەیە، کە لە زۆربەی سێکتەرە گرنگ و هەستیارەکاندا توانیویەتی ئاستی یەکەم لەسەر ئاستی عیراق و هەرێمی کوردستان بەدەستبهێنێت."


دەشڵێت، "دەخوازین ئەم ئامارە ڕاستەقینانە هاندەرمان بن بۆ خزمەتی زیاترو بوژاندنەوەو پەرەپێدانی زۆرتر بەجۆرێک لە ئاست خواست و هەوڵ و داخوازیی و قوربانیدانی بەردەوامی ئەم پارێزگا شکۆدارەدا بێت، بەتایبەتیی کەلە چوار ساڵی ڕابردودا لەگەڵ ئەوەی لە ناو قوڵایی هەموو قەیرانەکاندابووین؛ بەڵام توانیومانە بە پشتیوانیی هەموو لایەک ئاڵنگارییەکان بۆ دەرفەتی گەشەکردن بگۆڕین و سلێمانی لە زۆر بواردا بخەینە سەر نەخشەی نێودەوڵەتیی."