گه‌ڕان

Shadow Shadow
سیاسه‌تی

زانیاریی

بۆ 12ـەمین جار نزمترین توانەوە لە جەمسەری باكووردا تۆماركرا

2021.09.29 - 10:16
App store icon Play store icon Play store icon
بۆ 12ـەمین جار نزمترین توانەوە لە جەمسەری باكووردا تۆماركرا

ناس کورد-

بەپێی ڕوونکردنەوەى ئاژانسی فڕینناسی نیشتیمانی و بەڕێوەبەرایەتی بۆشایی ئاسمان (ناسا)، تازەترین گرتە و لیكۆڵینەوە زانستییەكان ئاماژەیان بە دووبارەبوونەوەیەكی دیكەی زۆر بەرزی ئاستی توانەوەی ڕووپۆشی سەهۆڵیی جەمسەری باكوور داوە.

کەناڵی ناس کورد لە تێلیگرام جۆین بکە   

 

سەنتەری گۆداردی ئاسمانیی سەر بە ئاژانسی (ناسا) و بە سوود وەرگرتن لە داتاو وێنەكانی تایبەت بە (پێوەری پێشكەوتووی تیشكیی و رووماڵكردن بە شەپۆلە كورتەكان – AMSR2)ی مانگی دەستكردی (GCOM-W1)ی سەر بە (ئاژانسی بۆشاییگەریی ژاپۆنیی – JAXA) دەریخست كەوا توانەوە و كەمبوونەوەی رووپۆشی سەهۆڵیی دەریایی لە جەمسەری بەستووی باكوور لە 16ی ئەیلولی ئەمساڵدا ژمارەیەكی دیكەی پێوانەیی تۆماركرد دوای ئەوەی لە بەهارو هاوینەوە هەست بەو توانەوە زۆرە كرابوو.


ئەمساڵ ئاستی توانەوەی ڕووپۆشی سەهۆڵیی دەریایی لەو ناوچەیەدا گەیشتە 4.72 ملیۆن كیلۆمەتر چوارگۆشەو سەهۆڵی دەریاییش بەوە پێناسە دەكرێ كە بریتییە كۆی گشتیی ئەو رووبەرەی كە چڕیی سەهۆڵ تیایدا نابێ لە %15 كەمتر بێت.


بە شێوەیەكی گشتیی، نێوەندی نزمترین تۆمار لە مانگی ئەیلولی ئەمساڵ نزمبوونەوەیەكی یەگجار زۆری بەخۆیەوە بینی لەوەتەی مانگە دەستكردەكان لە ساڵی 1978ەوە و تاوەكو ئێستا بە شێوەیەكی جێگیرو رێك و پێك دەستیانكردووە بە تۆماركردنی ئاست و رووبەری رۆپۆشی سەهۆڵی دەریایی جەمسەرەكانی باكوورو باشوور، بەڵام لە ماوەی 15 ساڵەی دوایی، واتە لە 2007 تا 2021 دا رێژەیەكی نامۆو خێرای توانەوەی تیایاندا تۆماركراوە.


بەم واتایە، پسپۆڕان لە ماوەی43 ساڵی رابردوودا 15 كەمترین ئاستی توانەوەی سەهۆڵی جەمسەری باكووریان تەنها لە نێوان 2007 تا 2021 تۆماركردووە، كە ئەمەش هێمایەكی مەترسیدارو مایەی دڵەڕواكێییە.

 

وەرگێڕانی: بەشی راگەیاندنی بەرێوەبەرایەتی گشتی کەشناسی و بومەلەرزەزانی هەرێمی کوردستان
May be an image of map and text