گه‌ڕان

Shadow Shadow
سیاسه‌تی

’’شکستخواردوون’’

راوێژکارێکى کازمى هەوڵەکانى ’’ساختەکاریی’’ هەڵبژاردن ئاشکرادەکات

2021.09.28 - 20:04
App store icon Play store icon Play store icon
راوێژکارێکى کازمى هەوڵەکانى ’’ساختەکاریی’’ هەڵبژاردن ئاشکرادەکات

ناس کورد-

 

راوێژکارى مستەفا کازمى سەرۆک وەزیرانى عێراق بۆ کاروبارى ئاسایشى هەڵبژاردن رایگەیاند، هەوڵەکانى ساختەکاریی شکستخواردوون، فەرمانبەرانى کۆمسیۆن لەژێر چاودێرى 5 دەزگاى ئاسایشدان.

کەناڵی ناس کورد لە تێلیگرام جۆین بکە   

 

موهەند نەعیم ئەمڕۆ سێشەممە لە چاوپێکەوتنێکى تەلەفزیۆنیدا ئاماژەى بەوەکرد، ئامێرى دەنگدان تەنها ئامێر نییە بەڵکو کۆمەڵێک ئامێرە کە لەتۆمارى دەنگدەرانەوە دەستپێدەکات.

 

 وتیشى هەوڵەکانى یاریکردن بە ئەنجامى هەڵبژاردن لەرێگەى یەکێک لە ئامێرەکانەوە بووە، بەڵام نەتوانراوە زنجیرەى دەنگدان پەکبخرێت، دەکرێت ئامێرێک بدزرێت یان لەکاربخرێت، بەڵام جێگرەوەى ئامادەیە و سەرجەم هەوڵەکان لەو بارەیەوە شکستخواردوون.

 

موهەند نەعیم باسى لەوەشکرد، هێزە ئەمنییەکان چەندین کەسیان دەستگیرکردووە کە لەو کارانە تێوەگلاون بەشێک لەو ئامێرانەش لەبنەڕەتدا کاریان نەکردووە و لە کۆگاکان بوون، لەبەرئەوەى کۆمسیۆن سەرجەم ئامێرەکانى نوێکردووەتەوە.

  

جەختیشیکردەوە پرسی ساختەکاریی هەڵبژاردن لەدوو رەوەوە شکستى پێدەهێنرێت، لەلایەن کۆمسیۆن و حکومەتەوە.