گه‌ڕان

Shadow Shadow
سیاسه‌تی

بەپەلە

وەزارەتی ناوخۆ: ڕێکخەرانی کۆبوونەوەکەی هەولێر لە هەرێم جێگایان نابێتەوە

2021.09.25 - 20:18
App store icon Play store icon Play store icon
وەزارەتی ناوخۆ: ڕێکخەرانی کۆبوونەوەکەی هەولێر لە هەرێم جێگایان نابێتەوە

ناس کورد- 

وەزارەتی ناوخۆی هەرێمی کوردستان ڕوونکردنەوەیەکی لەبارەی کۆبوونەوەی ژمارەیەک کەسایەتیی عەرەب لە هەولێر بڵاوکردەوە و دەڵێت، ئەو کەسانە لە هەولێر دەردەکرێن و لە هەرێمی کوردستان جێگایان نابێتەوە.

کەناڵی ناس کورد لە تێلیگرام جۆین بکە   

 

دەقی ڕاگەیەنراوەکەی وەزارەتی ناوخۆ: 

 

*ڕوونکردنەوەیەک لە وەزارەتی ناوخۆی حکومەتی هەرێمی کوردستان*

رێکخراوێکی کۆمەڵگەی مەدەنی وۆرکشۆپێکی لە هەولێر بۆ ژمارەیەک کەسایەتی بەشێک لە پارێزگاکانی عیراق ئەنجامداوە بە مەبەستی کارکردن لە سەر چەمکەکانی پێکەوەژیان وچەسپاندنی بنەماکانی فیدرالیزم لە عیراق لە بەر ڕۆشنایی دەستووری هەمیشەیی عیراق، بەڵام بە داخەوە، هەندێک لەسەرپەرشتیارانی ئەم چالاکییە، ئەم وۆرکشۆپەیان بە لاڕێدا بردووە و بۆ هەندێک مەبەستی سیاسی بە کاریان هێناوە کە دوور بووە لە مەرجەکانی مۆڵەتپێدانی ئەم جۆرە وۆرکشۆپانە و لە میانەی چالاکییەکەدا، چەند ووتار وبەیاننامەیەک بڵاوکراونەوە کە بە هیچ شێوەیەک لە گەڵ سیاسەتی فەرمیی حکوومەتی هەرێمی کوردستان ناگونجیت و گوزارشت لە سیاسەتی هەرێمی کوردستان ناکا.

 

وەزارەتی ناوخۆ، رێکاری یاسایی دەگرێتە بەر بەرامبەر بەو کەسانەی، کە ئەم کۆبوونەوەیان بە لاڕێدا بردووە و هەروەها  کەسە کەمتەرخەمەکان بە سزا دەگەیەنێت لە هەر لایەکەوە بن.

 

هەرێمی کوردستانی عیراق، وەک کیانێکی دەستووری لە چوارچێوەی عیراقی فیدرالی، وەک هەمیشە پابەندە، بە سیاسەتی دەرەوەی فەرمیی دەوڵەتی عیراق و بە هیچ شێوەیەک، رێگا نادات کەسانێک کەشی ئازادی ودیموکراسی کە لە هەرێمدا بەرقەرارە، بۆ مەرامی دیکەی سیاسی بەکار بهێنن و ئەو کەسانەی کە بەم کارانە ھەستاون، دوور دەخرێنەوە و جێگەیان لە هەرێمی کوردستان نابێتەوە.

 

وەزارەتی ناوخۆی

حکوومەتی هەرێمی کوردستان

25ی ئەیلوولی 2021