گه‌ڕان

Shadow Shadow
سیاسه‌تی

زانیارى زیاتر

فەرمانبەرانی زانكۆ: مامۆستایان بەڵگەیان نییە و داواكەیان ڕەوا نییە 

2021.09.23 - 14:09
App store icon Play store icon Play store icon
فەرمانبەرانی زانكۆ: مامۆستایان بەڵگەیان نییە و داواكەیان ڕەوا نییە 

ناس کورد-

نوێنەرانی فەرمانبەرانی زانكۆی سلێمانی رەخنەیان لەخۆپیشاندانی مامۆستایانی زانكۆ گرت و رایانگەیاند هیچ بەڵگەیەكیان نییە كە داوای دابەشكردنی زەوی دەكەن. 

کەناڵی ناس کورد لە تێلیگرام جۆین بکە   

 

نوێنەرانی خۆپیشاندەرانی فەرمانبەرانی زانكۆی سلێمانی ئەمڕۆ (23ی ئەیلولی 2021) لەبەردەم نوسینگەی قوباد تاڵەبانی رەخنەیان لەوەگرت كە مامۆستایانی زانكۆ تەنها داوای زەوی بۆ خۆیان دەكەن لە كاتێكدا بڕیاری پێشووتر هەیە كە مامۆستایان و فەرمانبەران وەك یەك لە پرۆژەی نیشتەجێبوون سودمەندبن.

 

جەبار عەسمان كە ڕاوێژكارێكی یاساییە زانكۆی سلێمانی لە خۆپیشاندانەكە بە میدیاكانی راگەیاند كە "ناس كورد" ی تێدابوو "توشی سەرسوڕمان بوین لە خۆپیشاندانی مامۆستایانی زانكۆ چونكە دەمێكە دابەشكردنی زەوی ڕاگیراوە و ئەوەی رەزامەندی لەسەر دەدرێت تەنها دروستكردنی یەكەی نیشتەجێبوونە".

 

هەروەها وتیشی "مامۆستایان داوای دەكەن یەكەی نیشتەجێبوون بكرێتەوە بەزەوی بدرێت بەوان كە دەڵێن 450 كەسین لە كاتێكدا زەوییەكان بەشی 250 یەكە دەكات ئەگەر بكرێتەوە بەزەوی و نەكرێتە شوقەی نیشتەجێبوون كە مافی بنچینەیی هەموو كارمەندانی زانكۆیە وەكو یەك". 

 

نوێنەرانی فەرمانبەران داوایانكرد حكومەت بگەڕێتەوە سەر بڕیاری خۆی كە دابەشكردنی یەكەی نیشتەجێبوونە بۆ مامۆستایان و فەرمانبەران وەك یەك.

 

دوێنێ چوار شەممە نوێنەرانی 450 مامۆستای زانكۆی سلێمانی چوونە بەردەم نوسینگەی جێگری سەرۆكی حكومەت بۆ داواكردنی دابەشكردنی زەوی و بەهۆی هەوڵی مانگرتنیشەوە گرژی لە نێوان هێزە ئەمنییەكان و ژمارەیەك لە نوێنەرەكانیان ڕوویدا.