گه‌ڕان

Shadow Shadow
سیاسه‌تی

كێشەكانی پاش جیابوونەوە

براد بیت سكاڵای لەسەر ئەنجیلا جولی تۆماركرد

2021.09.22 - 11:06
App store icon Play store icon Play store icon
براد بیت سكاڵای لەسەر ئەنجیلا جولی تۆماركرد

ناس كورد_

ئەكتەری بەناوبانگ برادبیت سكاڵای لە ئەنجیلا جولی هاوسەری پێشووی تۆماركرد لەسەر ئەو ناكۆكییە داراییانەی لەپاش جیابوونەوە كەوتووەتە نێوانیانەوە.

کەناڵی ناس کورد لە تێلیگرام جۆین بکە   

 

بەگوێرەی ڕاپۆرتی "دەیلی مەیل" كە "ناس كورد" بینیویەتی (22ی ئەیلولی 2021) بیت كە ئەكتەرێكی ناسراوی هۆلیودە هاوسەری پێشووی كە ئەویش هەر ئەستێرەیەكی جیهانییە لە هونەر و كاری خێرخوازی بەوە تۆمەتباركردووە كە هەوڵی تۆڵەكردنەوە دەدات و رێگرە لەوەی دابەشكردنی دارایی لەنێوانیان بەپێی رێككەوتنی دابەشكردن بڕوات بەتایبەت لە موڵكەكانی فەرەنسا.

 

هەر بەگوێرەی سكاڵاكە بیت بەر لەجیابوونەوە 10% پشكی یەكێك لە كۆمپانیاكانی داوە بە جولی بۆ ئەوەی یەكسان بن بەڵام جولی بەبێ گوێدانە ئەو سەرقاڵی فرۆشتنەوەیەتی و هەوڵ و ماندوبوونی ئەم لەو كۆمپانیایە لەبەرچاو ناگرێت.

 

لەدوا دیمانەی ڕۆژنامەوانیشدا جولی باسی لەوەكردووە ترساوە لە تەندروستی و سەلامەتی مناڵەكانی ئەوكاتەی لەگەڵ بیت ژیاوە، ئەمەش دیوێكی شاراوەی ئەو ئەستێرە جیهانییە ئاشكرا دەكات. 

 

بیت و جۆلی لەنێوان 2014 _ 2016 لە ژیانی هاوسەریدا بوون و 6 منداڵیشیان هەیە، پاشان بەهۆی كێشەی زۆرەوە بڕیاری جیابوونەوەیان دا لە یەكتری و لە ساڵی 2019 گەڕانەوە بۆ ژیانی ڕەبەنی.