گه‌ڕان

Shadow Shadow
سیاسه‌تی

’’دابەشبوونی جیهان’’

هۆشداری لە ’’جەنگی ئەمەریکا و چین’’ دەدرێت

2021.09.21 - 08:48
App store icon Play store icon Play store icon
هۆشداری لە ’’جەنگی ئەمەریکا و چین’’ دەدرێت

ناس کورد- 

سکرتێری گشتیی نەتەوە یەکگرتووەکان داوا لە ئەمەریکا و چین دەکات واز لە شەڕی سارد بهێنن و پەیوەندییە خراپەکانی نێوانیان چاک بکەنەوە، بەرلەوەی کێشەکانیان  بە هەموو جیهاندا بڵاوببێتەوە.

کەناڵی ناس کورد لە تێلیگرام جۆین بکە   

 

ئەنتۆنیۆ گۆتیرێز، سکرتێری گشتیی نەتەوە یەکگرتووەکان لە چاوپێکەوتنێکدا لەگەڵ (ئەسۆشیەتد پرێس) ڕایگەیاند، " ئەمەریکا و چین کە گەورەترین ئابووری جیهانن بە پەیوەندییەکی خراپدا تێپەڕدەبن و پەرەسەندنی ئەو کێشانە و جەنگی ساردی نێوان هەردوولا، دوورنییە ببێتەهۆی دابەشبوونی جیهان." 

 

ئاماژەی بەوەشکردووە، ئەمەریکا و چین دەبێت دووبارە پەیوەندییەکی چالاک دروست بکەنەوە، چونکە ئەوە گرنگە بۆ کێشەکانی کوتان دژ بە ڤایرۆسی کۆرۆنا، کێشەکانی گۆڕانی کەشوهەوا و زۆر کێشەی دیکە کە ناتوانرێت بەبێ پەیوەندییەکی بونیادنەرانە لەنێو کۆمەڵگەی نێودەوڵەتی چارەسەر بکرێن.

 

گۆتێرێز جەختیشیکردووەتەوە، " دەبێت بە هەر نرخێک بێت خۆمان لە جەنگی سارد بەدووربگرین، چونکە جیاواز دەبێت لەوەی پێشوو و  لەوانەیە مەترسیدارتر بێت و قورستر کۆنتڕۆڵ بکرێت."