گه‌ڕان

Shadow Shadow
سیاسه‌تی

لە وەزارەتی دەرەوەوە

هەڕەشەیەك لە سوریاوە بۆ توركیا: مافی وەڵاممان هەیە

2021.09.20 - 14:13
App store icon Play store icon Play store icon
هەڕەشەیەك لە سوریاوە بۆ توركیا: مافی وەڵاممان هەیە

ناس كورد_

وەزارەتی دەرەوەی سوریا ڕایگەیاند وڵاتەكەی دەست بە مافی یاسایی و دەستوری خۆیەوە دەگرێت بۆ وەڵامدانەوەی هەنگاوە دوژمنكارییەكانی توركیا و دانانی سنورێك بۆیان. 

کەناڵی ناس کورد لە تێلیگرام جۆین بکە   

 

ئاژانسی فەرمی سوریا "ناسا" لە هەواڵێكدا (20ی ئەیلولی 2021) كە "ناس كورد" بینیویەتی بڵاویكردەوە: وەزارەتی دەرەوەی سوریا بەرپرسیارێتی تەواوی یاسایی و سیاسی و دارایی دەخاتە ئەستۆی توركیا لەپاری هەنگاوەكانی لەناو خاكی سوریا. 

 

سوریا ئیدانەی پێشێلكاری خاكی وڵاتەكەی و "هەنگاوە دوژمنكارییەكانی توركیا" دەكات و بە پێشێلكردنی سەروەری دەیداتە قەڵەم كە 10 ساڵە بەردەوامە. 

 

لە بەشێكی تری راگەیەنراوەكەی سوریادا داوا لە كۆمكاری عەرەبی و نەتەوە یەكگرتووەكان كراوە "هەڵوێستی ڕوون" یان هەبێت لەبارەی سوریا و پارێزگاری لە سەروەری و سەربەخۆیی خاكەكەی بكەن و جەخت لەوەش دەكاتەوە یاساو دەستور مافی وەڵامدانەوە بۆ سوریا دەستەبەر دەكات دژی هەنگاوەكانی توركیا و دانانی سنورێك بۆیان.