گه‌ڕان

Shadow Shadow
سیاسه‌تی

زانیاریی زیاتر

وادەی وەرگرتنی خوێندکاران لە زانکۆ و پەیمانگەکان ئاشکرا کرا

2021.09.20 - 11:03
App store icon Play store icon Play store icon
وادەی وەرگرتنی خوێندکاران لە زانکۆ و پەیمانگەکان ئاشکرا کرا

ناس کورد- 

وەزیری خوێندنی باڵا و توێژینەوەی زانستی ڕایگەیاند، 25ی ئەم مانگە وەزارەتی پەروەردە ئەنجامی قوتابیانی پۆلی 12 بۆ وەزارەتی خوێندنی باڵا دەنێرن و دواتر پرۆسەی وەرگرتنی قوتابیان بە سیستمی زانکۆلاین دەستپێدەکات و نزیکەی مانگێکی پێدەچێت. 

کەناڵی ناس کورد لە تێلیگرام جۆین بکە   

 

د. ئارام محەمەد قادر، وەزیری خوێندنی باڵا و توێژینەوەی زانستی حکومەتی هەرێم (دووشەممە 20ی ئەیلولی 2021) لە لێدوانێکی ڕۆژنامەوانیدا ڕایگەیاند، "هەوڵدەدەین هاوشێوەی ساڵی ڕابردوو زۆرترین قوتابی لە زانکۆ و پەیمانگاکان وەربگرین و هیوادارین بتوانین ئەوە بکەین." 

 

وتیشی، "لەگەڵ وەزارەتی پەروەردە هەماهەنگیمان کردووە، بڕیارە لە 25ی ئەم مانگە ئەنجامی قوتابیانمان بۆ بنڕین و دواتر دەست بە وەرگرتنی قوتابیان دەکرێت و ڕەنگە پرۆسەکە ماوەی مانگێکی پێ بچێت".

 

وەزیری خوێندنی باڵای هەرێم ئاماژەی بەوەشکرد، "سیستمی وەرگرتنی قوتابیان لە زانکۆکان سیستمێکی هیلاکە و پێویستی بە گۆڕانکارییە، لەو سیستمە تەنها تێکڕا نمرەی پۆلی 12 پێوەرە، توانای راستەقینەی قوتابی لەبەرچاو ناگرێت، جگە لەوەی پێویستە ناوەندە ئەکادیمییەکانی کوردستان بە بازاڕی کارەوە ببەستینەوە، بۆ ئەوەی ناوەندە ئەکادیمییەکان تەنها نەبن بە شوێنی بەخشینەوەی بڕوانامە، بەڵکو دەبێت کارامەیی لە خوێندکاران دروستبکرێت." 


زیاتر بخوێنەرەوە: وەزیری خوێندنی باڵا باسی گۆڕانکاریی لە شێوازی وەرگرتنی خوێندکار لە زانکۆکان دەکات