گه‌ڕان

Shadow Shadow
سیاسه‌تی

زانیاریی نوێ لەسەر ساتی کوشتنی کادرەکەی پەکەکە لە سلێمانی ئاشکرا کرا

2021.09.19 - 18:28
App store icon Play store icon Play store icon
زانیاریی نوێ لەسەر ساتی کوشتنی کادرەکەی پەکەکە لە سلێمانی ئاشکرا کرا

ناس کورد- 

جێگری هاوسەرۆکی تەڤگەری ئازادی ڕایگەیاند، ئەو کەسانەی لە ڕۆژی 17 ی ئەم مانگە لەگەڕەکی چوارچرای شاری سلێمانی، بەرپرسی کۆمیتەی شەهیدانی پەکەکەیان کوشتووە، وێنە و ڤیدیۆیان دەست دەزگا ئەمنیەکان کەوتووە و لەکاتی ئەنجامدانی هێرشەکەدا، ڕوخساریان هەڵنەپێچاوە.

کەناڵی ناس کورد لە تێلیگرام جۆین بکە   

 

ڕۆژی 17 ی ئەم مانگە، لەگەڕەکی چوارچرای شاری سلێمانی، شوکری سەرحەد، بەرپرسی کۆمیتەی شەهیدانی پەکەکە کوژرا و دواتر  دەزگا ئەمنیەکان کەسێکیان بە تۆمەتی کوشتنی دەستگیرکرد، بەڵام میدیاکانی نزیک لەپەکەکە دەڵێن، سەرجەم بکوژانی شوکری سەرحەد دەستگیرنەکراون. 

 

لەوبارەیەوە تارا حسێن، جێگری هاوسەرۆکی تەڤگەری ئازادی (یەکشەممە 19ی ئەیلولی 2021) بە "دەنگی ئەمەریکا"ی ڕاگەیاند، "بەرپرسانی پەکەکە ڕایانگەیاندووە، شوکری سەرحەد ماوەی 15 ساڵە لە هەرێمە و کاری بۆ بنەماڵەی شەهیدان کردووە و کاری ئەو ئەنجامدانی کاری مەدەنی بووە، هیچ چالاکیەکی سەربازی نەبووە، ئەو تەمەنی نزیکەی 70 ساڵ بووە و هیچی لەخۆی شک نەبردووە، بۆیە لەسلێمانی دا بەسادەیی سوڕاوەتەوە."

 

ئاماژەی بەوەشکردووە، "هێشتا بەفەرمی دان پێدانانی دەستگیرکراوەکە بڵاو نەکراوەتەوە، تا نەیبینین، ناتوانین بڕیار بدەین، بەڵام شەش کامیرا و دەیان ڤیدیۆی بکوژەکە لەبەردەست هێزە ئەمنیەکاندایە."

 

ئەوەشی خستووەتەڕوو، "بکوژەکە، بێ دەمامک و بێ چاویلکە و بێ شاردنەوەی ڕووخساری، تاوانەکەی ئەنجامداوە، پێشتر سوڕاوەتەوە و لەفە و چای خواردووە، کاتێکیش تاوانەکەی ئەنجامداوە، بە ئاشکرا ڕوومەتی دەرکەوتووە، بۆیە گەر وێنەی دەستگیرکراوەکە جێی گومان بێت، دەکرێت لەگەڵ ڤیدیۆکاندا بەراورد بکرێن، تا هاووڵاتیان دڵنیابنەوە لەوەی دەستگیرکراوەکە، بکوژی ڕاستەقینەیە."

 

بەپێی وتەی تارا حسێن، ئەو کەسانەی هەستاون بە "تیرۆرکردنی" شوکری سەرحەد، ژمارەیان چوار کەس بووە، یەکێکیان تەقەی لێکردووە، ئەوانیتر شۆفێر و چاودێریکار بوون، کە ئۆتۆمبێلێکی پیکاب دەبڵیان پێبووە.

 

جێگری هاوسەرۆکی تەڤگەری ئازادی ئاماژەی بەوەشکردووە، ئەرکی هێزە ئەمنیەکانی هەرێمی کوردستانە، زانیاری ورد لەبارەی چۆنیەتی "تیرۆر"کردنی کادیرەکەی پەکەکە و وردەکاری ڕووداوەکەوە بخەنەڕوو.