گه‌ڕان

Shadow Shadow
سیاسه‌تی

وەڵامێکی ’’توند’’ لە لاهور شێخ جەنگییەوە بۆ قوباد تاڵەبانی

2021.09.19 - 13:15
App store icon Play store icon Play store icon
وەڵامێکی ’’توند’’ لە لاهور شێخ جەنگییەوە بۆ قوباد تاڵەبانی

ناس کورد- 

لاهور شێخ جەنگی لەڕێگەی سۆشیاڵ میدیاکەیەوە وەڵامی قوباد تاڵەبانی دایەوە و ڕایگەیاند، یەکێتییە ڕاستەقینەکان شەخس پەرستی ناکەن و لەبەر کەسێکیش یەکێتیی نین، بەڵام غەدر و خۆفرۆشتن بە بێگانە و خۆسەپاندن و کودەتا بەسەر هاوسەرۆک و مووچەبڕین و هەڕەشەکردنیش قبوڵ ناکەن.

کەناڵی ناس کورد لە تێلیگرام جۆین بکە   

 

سۆشیاڵ میدیای لاهور شێخ جەنگی (یەکشەممە 19ی ئەیلولی 2021) بەناوی سەرچاوەیەک لەنوسینگەی ناوبراو بڵاویکردەوە، "یەکێتییە ڕاستەقینەکان شەخس پەرستی ناکەن، لەبەر کەسێکیش یەکێتیی نین، بەڵام غەدر و خۆفرۆشتن بە بێگانە و خۆسەپاندن و کودەتا بەسەر هاوسەرۆک و بەکارهێنانی هێز بۆ گرتنە دەستی دەسەڵات و هەڕەشەکردن و موچە بڕین و ترس و تۆقاندن لە کادری حزبەکەی خۆیان لە هیچ کەس و لایەنێک قبوڵ ناکەن." 

 

ئاماژەی بەوەشکردووە، "یەکێتییە راستەقینەکان چەواشە ناکرێن بەناوی شەخس پەرستیەوە، ئەوان پارێزگاریی لە یەکێتیی ناو یەکێتیی دەکەن." 

 

ئەوەش وەک وەڵامێکە بۆ قسەکانی چەند ڕۆژی ڕابردووی قوباد تاڵەبانی کە داوای لە جەماوەری یەکێتی کرد، "شەخس پەرست نەبن و لەبەر هیچ کەس یەکێتی نەبن و لەبەر هیچ کەسیش واز لە یەکێتی نەهێنن."