گه‌ڕان

Shadow Shadow
سیاسه‌تی

نرخەکان بەرزبووەتەوە

عێراق ڕێژەی هەڵئاوسانی نرخی لە بازاڕەکان دیاری کرد

2021.09.19 - 10:34
App store icon Play store icon Play store icon
عێراق ڕێژەی هەڵئاوسانی نرخی لە بازاڕەکان دیاری کرد

ناس کورد-

وەزارەتی پلاندانانی عێراق ڕایگەیاند، ڕێژەی هەڵئاوسان لە مانگی ئابدا 1.1% زیادی کردووە بە بەراورد بە مانگی تەموزی ڕابردوو کە 0.6% زیادی کردووە.

کەناڵی ناس کورد لە تێلیگرام جۆین بکە   

 

وەزارەتەکە لە ڕاگەیەندراوێکدا کە "ناس کورد" پێی گەیشتووە (19ی ئەیلولی 2021) دەڵێت، "ڕێژەی هەڵئاوسانی مانگی ئابی ئەمساڵ بە بەراورد لەگەڵ مانگی ئابی ساڵی ڕابردوو 8.1% زیادی کردووە".

 

هاوکات عەبدولزوهرە ئەلهینداوی، وتەبێژی وەزارەتەکە ئاماژەی بۆ ئەوەشکرد، "دەزگای ناوەندیی ئامار لە ڕێگەی بەشی ژمارەی پێوانەییەوە مانگانە ڕاپۆرتی ژمارەی پێوانەیی نرخە بەکارهاتووەکان تۆمار دەکەن لەڕێگەی چاودێریکردنی نرخەکان لە بازاڕدا."

 

وتیشی، "بەرزبوونەوەی ڕێژەی هەڵئاوسان لە مانگی ئابدا بە ڕێژەی 1.1% بەهۆی گرانبوونی ژمارەیەک کاڵا بوە لە بازاڕەکانی عێراقدا" و ڕوونی دەکاتەوە کە "بەشی خواردن و خواردنەوەی ناکحولییەکان بەرزبوونەوەى نرخیان بە ڕێژەی 4.5% تۆمارکردووە، نرخی سەوزە و میوە بەڕێژەی 21.7% بەرزبووەتەوە، هەروەها نان و گۆشت و پاقلەمەنییەکانیش بە ڕێژەی 0.9%،  ماسیش بە ڕێژەی 0.6% و شیر و پەنیر و هێلکەش بەڕێژەی 0.5%."