گه‌ڕان

Shadow Shadow
سیاسه‌تی

بەپەلە

هۆشدارییەکی بەپەلە؛ زیندانییانی بادینان داوای بەهاناوەچوون دەکەن

2021.09.18 - 21:11
App store icon Play store icon Play store icon
هۆشدارییەکی بەپەلە؛ زیندانییانی بادینان داوای بەهاناوەچوون دەکەن

ناس کورد- 

کۆمیتەی ماف و ئازادییەکان لە کوردستان و ئەوروپا لە ڕاگەیەنراوێکدا ڕایگەیان، مانگرتنی زیندانیانی بادینان گەیشتە مەترسیدارترین قوناغ و داوای بەھاناوەچون دەکەن، دەشڵێت، یەکێک لەوان ئەمڕۆ لە هۆش خۆی چووە و کەسیش بەهانایەوە نەچووە. 

کەناڵی ناس کورد لە تێلیگرام جۆین بکە   

 

دەقی ڕاگەیەنراوەکە: 

 

مانگرتنی زیندانیانی بادینان گەیشتە مەترسیدارترین قوناغ و داوای بەھاناوەچون دەکەن

 

ماوەی ١٢ رۆژە بە دروشمی "یان مردن یان ماف و ئازادی" ٨٢ چالاکوان و رۆژنامەنوسی بادینان لە زیندان دەستیان کردوە بە مانگرتن لە خواردن و خواردنەوە و  لەئێستادا دۆخیان مەترسیدارە.

 

ئەمرۆ لە دوانزەهەمین رۆژی مانگرتندا دۆخی تەندروستی رۆژنامەنوس ئەیاز کەرەم کە یەکێکە لە زیندانیانی بادینان لە زیندان تێکچوە و لە ھۆش خۆی چوە و تیمی تەندروستیش بەھانایەوە ناچن.

 

تا ئێستا ٨٢ زیندانی بادینان کە ٧٧یان زیاتر لە ساڵێکە بێ دادگایی لە زیندانی ئاسایشی گشتی ھەولێر و چاکسازی گەورانن، لەئێستادا لەسەر مانگرتن بەردەوامن، دۆخی تەندورستی بەشێکیان زۆر خراپە و داوای مافە سەرەتاییەکان و ئازادبوونیان دەکەن.

 

لە ھەمان کاتدا داوا لە ڕای گشتی، رێکخراوە ناوخۆیی و جیھانیەکان، لایەنە سیاسیەکان و نوێنەرانی وڵاتان دەکەن بە ھانایانەوە بچن.

 

کۆمیتەی ماف و ئازادییەکان لە کوردستان و ئەوروپا

١٨ی ئەیلولی ٢٠٢١